影片
更多
2019-01-27
16 瀏覽
一向都鍾意去d細細間嘅日本料理店食日本野，覺得正宗同有風味d。夜晚同朋友係彌敦道行行下，轉個彎入左來呢條街，見到呢間小店，就決定一試！雖然已經九點幾，但裡面仍然有好多人。呢度嘅裝修簡約得來又好有格調，裡面好似居酒屋咁有張吧檯，可以睇住師傅準備野食。我同朋友叫左呢度好出名嘅雞白湯拉麵、鰻魚飯，另外叫左個炸雞小食。拉麵嘅賣相好特別，有炸得金黃嘅牛蒡裝飾，牛蒡食落係苦苦地嘅味。個雞底係奶白色，味道剛剛好，唔會好鹹或好淡。麵嘅質感彈牙，而配料有叉燒同雞肉各兩塊，口感軟滑，味道亦都唔錯。炸雞炸得金黃香脆，又唔會好油淋淋，雞肉新鮮嫩滑！鰻魚飯非常高質，係我食過最好食鰻魚飯，極度推薦，來呢度必定要試！鰻魚大件又厚身，d肉又軟滑，個魚皮燒得香脆，配埋d燒汁淋係面，真係好好食！！d飯粒粒分明，煮得又軟熟。我地坐係廚房前嘅吧檯，咁o岩見到師傅準備緊鰻魚飯，佢地用鉗將一塊塊鰻魚起骨，明顯係精心炮製，所以呢個飯$198都算合理！
雖然已經九點幾，但裡面仍然有好多人。呢度嘅裝修簡約得來又好有格調，裡面好似居酒屋咁有張吧檯，可以睇住師傅準備野食。
我同朋友叫左呢度好出名嘅雞白湯拉麵、鰻魚飯，另外叫左個炸雞小食。
拉麵嘅賣相好特別，有炸得金黃嘅牛蒡裝飾，牛蒡食落係苦苦地嘅味。個雞底係奶白色，味道剛剛好，唔會好鹹或好淡。麵嘅質感彈牙，而配料有叉燒同雞肉各兩塊，口感軟滑，味道亦都唔錯。
炸雞炸得金黃香脆，又唔會好油淋淋，雞肉新鮮嫩滑！
鰻魚飯非常高質，係我食過最好食鰻魚飯，極度推薦，來呢度必定要試！
鰻魚大件又厚身，d肉又軟滑，個魚皮燒得香脆，配埋d燒汁淋係面，真係好好食！！d飯粒粒分明，煮得又軟熟。我地坐係廚房前嘅吧檯，咁o岩見到師傅準備緊鰻魚飯，佢地用鉗將一塊塊鰻魚起骨，明顯係精心炮製，所以呢個飯$198都算合理！
張貼
