金鶴拉麵 (閩街)

營業中

休息中

今日同朋友黎到佐敦金鶴拉麵店，我地叫左一個雞白湯沾麵和醬油拉麵，一人一碗都已經食到好飽，因為份量同味道都一流。先講講雞白湯沾麵，同一般拉麵唔同，餐廳將麵、湯同食材分開，保持食物嘅獨特性，客人可以跟據自己嘅喜好，將麵沾湯，既唔會怕太濃郁，又唔會怕食太慢浸淋晒啲麵，上枱嘅時候碗湯熱辣辣，店員會窩心提示如果碗湯凍左可以幫手加熱番，希望顧客品嚐到最好的一「麵」。醬油拉麵湯底係鰹湯高湯加上日本醬油，味道清新，清淡之中有一絲絲的鹹味，食每一啖拉麵都忍唔住要配一口湯，食食下就發覺啲湯所剩無幾，結果最後食晒啲麵同飲晒啲湯，好好味。另外炸雞🍗也很好吃😋店員都非常有禮貌同樂於助人，見到客人有查詢都樂於解答同幫手，仲會係上菜果時提示番進食嘅先後次序，務求令顧客賓至如歸。