金鶴拉麵 (閩街)

營業中

休息中

今次入去係坐bar枱，望著師傅炸牛蒡已經聞到好香，所以諗都唔諗就點了碗金鶴．雞白湯拉麵試試。識食拉麵第一下一定係飲啖湯底試下師傅既用心同真功夫，哈。其實雞白湯底我就第一次食的，所以都幾期待佢味道如何。湯底鮮甜濃郁而不膩，加上本身自己都鐘意飲開中式雞湯，更加係喜歡這湯。感覺呢間拉麵店好肯去創新，至少未食過有拉麵係有炸牛蒡同慢煮雞柳呢類配菜而係好食。牛蒡食落脆卜卜，好似薯片咁，食到唔停口，店員更溫馨提示要快啲食，浸冧左就無咁好食。另外慢煮雞柳都係好有驚喜，平時好怕啲雞肉會「鞋」，但呢個煮法真係唔會有呢個擔心，食落好鮮嫩，肉質好滑易入口。另外同行友人亦點左碗黑蒜醬油湯拉麵，試左幾啖都覺得一樣好食！濃濃既蒜香(Galic愛好者一定要試下呢碗！)再加醬油湯底，唔會過鹹，亦有豐富既層次感，值得一試。