新肥泉海鮮大排檔

營業中

休息中

好耐冇同家姐、姐夫去食大排檔，尼間大排檔之前已經食過，味道同鑊氣都好夠👍🏻👍🏻，加上大排檔推出左「任食小炒放題」，所以今次同佢地再去食。 餐廳位於官涌街市，鄰近柯士甸地鐵站F出口，交通方便，環境乾淨企理闊落，仲可以選擇手機落單！食食下人愈黎愈多，大排檔氣氛慢慢增加。   ⦁黃金有機茄子超有鹹蛋黃味，茄子多汁嫩滑，入口即溶！  ⦁七味豆腐粒外皮酥脆，豆腐香滑，豆香濃郁。 ⦁麻辣水煮肥牛味道夠晒麻，非常惹味，亦唔會太過油膩。肥牛腍得黎又入味，而且配料夠晒多，有雜菇，大豆芽菜，酸菜，雲耳，西芹等。 ⦁沙爹金菇肥牛煲沙爹味濃郁，粉絲彈牙，金菇爽滑，肥牛大大片，肥瘦適中。 ⦁海鹽香煎和牛粒（小）肉質軟冧，每粒都充滿油花，無筋位，超多汁，海鹽味香。