影片
更多
2022-10-03
27 瀏覽
大學時間唔中都有去Bar 飲嘢，今日約咗位大學朋友聚舊，佢介紹我嚟到呢個久違既地方。呢度有包場及包房服務，仲可唱k及燒烤，啱晒開party。點咗d 野食同飲品一齊慢慢傾吓計，聽吓歌，仲可以去出邊掟飛鏢。我哋今晚冇飲酒，叫咗啲冇酒精飲品。估唔到呢間bar嘅食物好ok，絕對可做食店。黑椒牛扒肉質唔嚡，7成熟。我哋配腐乳汁，都幾特別。本身牛扒好夠味，黑椒味幾香，個人覺得好味。蒜蓉牛油燒蠔一碟4隻，蒜蓉牛油好香，外觀非常吸引，連同蠔一齊食，香口美味，$68 有四隻，性價比幾高，不過有隻蠔就細左d。燒虎蝦配泰式醬d蝦好大隻，燒得好正，聞已經好惹味，蝦殼上邊有少少椒鹽，好香口，肉質爽口彈牙，唔點醬都好美味，價錢都合理。燒冬菇舖滿蒜蓉，有6隻冬菇，燒得唔會乾，性價比來講係最抵食。炸魚薯條好大份，炸魚3大件，薯條份量都好多，不過最驚喜係完全冇油，張紙都係完全冇油嘅，食落去又有香味，個人最喜歡嘅就係呢一度。炸魚粉漿好薄，魚肉好厚身，啲魚肉係好Juicy，一啲都唔乾。蕃茄肉醬意粉肉醬比較少，炒意粉比較乾身，但都簡單好味，份量都係一人份量，我哋2個share 啱啱好。我地2個都冇飲酒好耐，叫咗冇酒精飲品。一
黑椒牛扒
肉質唔嚡，7成熟。我哋配腐乳汁，都幾特別。本身牛扒好夠味，黑椒味幾香，個人覺得好味。
蒜蓉牛油燒蠔
一碟4隻，蒜蓉牛油好香，外觀非常吸引，連同蠔一齊食，香口美味，$68 有四隻，性價比幾高，不過有隻蠔就細左d。
燒虎蝦配泰式醬
d蝦好大隻，燒得好正，聞已經好惹味，蝦殼上邊有少少椒鹽，好香口，肉質爽口彈牙，唔點醬都好美味，價錢都合理。
燒冬菇
舖滿蒜蓉，有6隻冬菇，燒得唔會乾，性價比來講係最抵食。
炸魚薯條
好大份，炸魚3大件，薯條份量都好多，不過最驚喜係完全冇油，張紙都係完全冇油嘅，食落去又有香味，個人最喜歡嘅就係呢一度。炸魚粉漿好薄，魚肉好厚身，啲魚肉係好Juicy，一啲都唔乾。
蕃茄肉醬意粉
肉醬比較少，炒意粉比較乾身，但都簡單好味，份量都係一人份量，我哋2個share 啱啱好。
我地2個都冇飲酒好耐，叫咗冇酒精飲品。一個fruit punch, 一個Homemade Lemonade, fruit punch 調味酸甜剛好，幾好飲。Lemonade 就正正常常，少少酸略嫌唔夠汽。
慢慢響度食吓嘢，坐下飲吓嘢都幾舒服。
張貼
