長阪燒

營業中

休息中

入到去見到啲裝修好有feel，木質嘅桌椅同柔和嘅燈光，直頭有種身處日本居酒屋嘅感覺。員工嘅服務都好貼心，佢哋會好細心介紹每一款食物。我地首先試咗佢哋嘅三文魚子松葉蟹肉小鉢，蟹肉好鮮美，三文魚子脆卜卜，好鮮甜！擺盤好精緻，好似酒店咁😂海鮮拖羅蓉脆脆米餅，真係好驚喜！米餅脆脆地，拖羅蓉就好新鮮，搭配上海膽同三文魚子，咬下去口感層次好豐富，每一口都係海鮮嘅鮮味，真係好好味😋串燒方面，我地叫咗雞翼、牛舌同豚肉蒜心卷，每一串都燒得香噴噴，特別係豚肉蒜心卷，肉質超軟滑，蒜香味濃，真係好過癮！雞翼外皮脆口，裡面又嫩，真係啱啱好。牛舌好厚切，好滿足！😍朋友鍾意食天婦羅，我地叫左大蝦同舞茸嘅天婦羅。蝦炸得金黃酥脆，舞茸好香菇味又好juicy，兩者都好正！👍🏻👍🏻再嚟就係汁燒日本烏賊，呢個烏賊真係燒得剛剛好，外面微焦，肉質又鮮嫩，好爽口。佢哋嘅醬汁有一種特別嘅香味，食完之後唔會覺得膩！🦑無論味道定擺盤都好有水準，加上服務一流，真係值得再去！