SHAO (已結業)

第一次黎到SHAO，一睇個餐牌就見到叫4-course menu比散叫抵好多，有頭盤、兩個主菜、甜品同餐飲都係$298+1，所以同朋友每人叫咗一個4-course set。頭盤我地都叫咗牛舌串燒，非常厚切，唔會太鹹，燒得岩岩好，仲好Juicy😋主菜1兩款我地都叫咗，包括鵝肝漢堡同埋明太子意粉。鵝肝漢堡個包好鬆化，配埋邪惡嘅鵝肝同果醬入口甘香油潤。明太子意粉香港好少地方有得食明太子意粉，終於比我喺呢度發現啦！佢既分量適中，唔大唔細，賣相吸引。佢用左整明太子意粉既醬去整，明太子分量剛剛好，又唔太辣，對明太子意粉唔高要求嘅人黎講係好唔錯。不過佢可以整得再熱啲，食落既時候好似有少少凍，同埋可以換隻大少少既碟。肉類主菜2黎到肉類有腹肉牛扒同楓蜜叉燒揀，我地兩款都有食。腹肉牛扒肉呈嫩紅色，肉質都算嫩，無肥膏同根，啖啖肉，可惜無咩牛味，對牛魔王黎講就有啲失望😕呢個蜜糖叉燒幾易咬又有啲甜，對一個唔中意咬肉既人黎講係唔錯，不過有幾幾舊肉就太肥所以無食。甜品有Affogato同matcha affogato 揀。affogato苦苦地嘅咖啡配上甜嘅雪糕，作為一餐嘅完結都唔錯😋唔鍾意飲咖啡嘅朋友試咗matc