影片
更多
2024-10-13
256 瀏覽
最近試咗間新開嘅餐廳，主打福建菜，午市有佛跳牆套餐$268一位，包埋福建金湯佛跳牆配麵線、一個小菜同埋飲品。餐廳環境乾淨企理，似日式omakase格局。服務員有禮貌。主角當然係個佛跳牆啦！個湯底濃郁，飲落去係一種溫潤嘅感覺。材料方面有海參、鮑魚；竹笙吸收咗湯底嘅精華，口感柔軟。仲有雞肉、花膠、鵪鶉蛋。麵線份量都幾多，配佛跳牆嘅湯汁食。小菜方面，我哋叫咗松子薑蓉菠菜同涼拌萵筍絲。涼拌萵筍絲，萵筍絲爽脆，好開胃。另外散叫咗黑蒜香煎帶子$138，帶子切到一片片容易入口，帶有少少黑蒜味。餐飲方面，我哋叫咗桂圓檸檬烏龍茶同珍珠椰汁冰。桂圓檸檬烏龍茶，桂圓甜甜地，味道清新，唔會太甜膩。珍珠椰汁冰，冰涼透心。最意想不到嘅係，因為餐廳新張，所以仲免費送咗個甜品——紅菇桃膠布丁。桃膠布丁口感滑溜，甜度適中，唔會太甜，帶有淡淡嘅桃膠香味，作為飯後甜品。
最近試咗間新開嘅餐廳，主打福建菜，午市有佛跳牆套餐$268一位，包埋福建金湯佛跳牆配麵線、一個小菜同埋飲品。
餐廳環境乾淨企理，似日式omakase格局。服務員有禮貌。
主角當然係個佛跳牆啦！個湯底濃郁，飲落去係一種溫潤嘅感覺。材料方面有海參、鮑魚；竹笙吸收咗湯底嘅精華，口感柔軟。仲有雞肉、花膠、鵪鶉蛋。麵線份量都幾多，配佛跳牆嘅湯汁食。
小菜方面，我哋叫咗松子薑蓉菠菜同涼拌萵筍絲。涼拌萵筍絲，萵筍絲爽脆，好開胃。
另外散叫咗黑蒜香煎帶子$138，帶子切到一片片容易入口，帶有少少黑蒜味。
餐飲方面，我哋叫咗桂圓檸檬烏龍茶同珍珠椰汁冰。桂圓檸檬烏龍茶，桂圓甜甜地，味道清新，唔會太甜膩。珍珠椰汁冰，冰涼透心。
最意想不到嘅係，因為餐廳新張，所以仲免費送咗個甜品——紅菇桃膠布丁。
桃膠布丁口感滑溜，甜度適中，唔會太甜，帶有淡淡嘅桃膠香味，作為飯後甜品。張貼
