真鮨 (已結業)

日本料理成日都食，但揀黎揀去實在太多選擇啦。今日同朋友去完U記買新衫好想食刺身，但打開APPS發現好多都好吸引。行完一大輪之後近近地揀咗呢度，因為店名就係招呼緊我地入去：你好！你好！刺身三點：金目鯛／池魚王／活帆立貝。日本直送鮮度果然有返咁上下，池魚入口充滿油香。不沾醬油其鮮味零舍突出。帆立貝好大粒，配上檸檬片，酸爽味道令鮮甜味更明顯。金目鯛嘅紮實口感，一如既往咁好食，不枉其吉祥魚嘅稱號。北寄貝壽司。甘甜貝肉再加上醋飯，簡單而味美。當中些許嘅山葵提鮮降腥，配合得恰到好處。A4和牛壽司。和牛肉本身油脂好豐富，油香入口即溶加上少許脆炸蒜片碎令口感增加不少。松葉蟹腳壽司。好少地方會有得食鮮松葉蟹，肉質腍滑入口甘甜，配上微酸嘅醋飯去提味，值得一食。鹽燒南非鮑魚。燒完後將鮑魚嘅味道濃縮不少，少少焦脆嘅表面增加咗貝殼類嘅風味。煙韌口感令人回味。鹽燒花魚。原條鹽燒大大條花魚，肉質鬆化但魚味唔重，外皮燒完後好煙韌，要夾開都要花費一番功夫。但味道混和鹽後好香口亦可嚐到淡淡魚油香味。焗釀松葉蟹蓋。覺得係最有驚喜嘅一道料理，係燒蟹肉下面嘅係珍珠米。食嘅時候將全部撈勻先係佢出色嘅開始，入口先感到醬料嘅咸香再來