影片
更多
2021-07-13
23 瀏覽
點樣食推介✨⭐️高質印度餐廳⭐️⭐️上環印度菜⭐️印度皇 地址：干諾道中137-139號三台商業大廈1樓🍖Butter chicken $88 (7.8/10)講真我好少食印度菜，但依度個butter chicken係幾出色，個咖哩椰漿味算濃，偏甜，香料唔算強，令到成個咖哩都好易入口👍🏻，再搭配埋naan黎食簡直完美！ 想講佢d雞都係好食，我留意到佢d雞有個窿，諗諗下應該係店家將雞肉拎去做串燒，燒到佢有少少燶邊令到d雞肉好香口，成兜雞比我一個人清曬咁濟👻🍖Beef Madras $88 (7.3/10)食完butter chicken再食咖哩牛腩就知大家連個咖哩底都好大分別，依碟咖哩整體辛辣d，係刺激個隻辣，少左d甜味，鹹味就出返d，本人係螞蟻人，所以自己比較偏心butter chicken個咖哩🤣🤣🤣， 不過都要讚下佢d牛腩夠曬腍👍🏻，男朋友好鍾意食🍖Cheese Naan $36 (8.5/10) 🌟好味道🌟佢嘅naan好高質，首先佢食落係有口感嘅naan，面皮微脆，裏面軟糯，中間仲夾左d芝士，咬幾咬仲食到麵包嘅甜味，成塊餅軟綿綿煙煙韌韌咁好正，平時食d naan都係覺得食緊塊皮，今次覺得
⭐️高質印度餐廳⭐️
⭐️上環印度菜⭐️
印度皇
地址：干諾道中137-139號三台商業大廈1樓
🍖Butter chicken $88 (7.8/10)
講真我好少食印度菜，但依度個butter chicken係幾出色，個咖哩椰漿味算濃，偏甜，香料唔算強，令到成個咖哩都好易入口👍🏻，再搭配埋naan黎食簡直完美！
想講佢d雞都係好食，我留意到佢d雞有個窿，諗諗下應該係店家將雞肉拎去做串燒，燒到佢有少少燶邊令到d雞肉好香口，成兜雞比我一個人清曬咁濟👻
🍖Beef Madras $88 (7.3/10)
食完butter chicken再食咖哩牛腩就知大家連個咖哩底都好大分別，依碟咖哩整體辛辣d，係刺激個隻辣，少左d甜味，鹹味就出返d，本人係螞蟻人，所以自己比較偏心butter chicken個咖哩🤣🤣🤣， 不過都要讚下佢d牛腩夠曬腍👍🏻，男朋友好鍾意食
🍖Cheese Naan $36 (8.5/10) 🌟好味道🌟
佢嘅naan好高質，首先佢食落係有口感嘅naan，面皮微脆，裏面軟糯，中間仲夾左d芝士，咬幾咬仲食到麵包嘅甜味，成塊餅軟綿綿煙煙韌韌咁好正，平時食d naan都係覺得食緊塊皮，今次覺得食緊好食嘅麵包！！個chewy口感有d似bagel！好推介大家食！係附近返工其實買個naan做午餐都夠飽😂😂
🍖Mango Lassi $36 (7.2/10)
依杯野好適合重口螞蟻人飲，乳酪味激濃郁，甜度係爆燈，芒果味都算重🤣
🍖Young coconut $42 (8/10)
佢嘅椰青入嘅貨勁正！超多水！d椰肉又勁好食😝
回頭指數: 🍧🍧🍧🍧 (滿分:🍧🍧🍧🍧🍧)
好坐指數: 🧎🏻♀🧎🏻♀️️🧎🏻♀️🧎🏻♀️(滿分:🧎🏻♀️🧎🏻♀️🧎🏻♀️🧎🏻♀️🧎🏻♀️)
依度空間大，座位好闊落，其實食印度菜未必一定要去重慶大廈嘅！依度價錢合理野食高質都係一個好選擇👍🏻 真心推介大家試下個cheese naan🙆🏻♀️ 然後我發現我有個fd都食過，原來當年佢係咁話butter chicken同naan好食係冇呃我嘅，真係唔錯🤣
張貼
