更多
2010-04-15
有一日同男朋友收工後見未食過呢間餐廳一於去試下,點知就奶野了................- 服務態度非常差- 食物質素非常一般- 唔抵食見到佢間鋪咁大,客人先得果小貓三四隻都算啦(多數呢d 情況間野都唔慌好食得去邊)平時去食飯,除左畀推介食品/特別餐既卡仔之外,都會有本menu點知佢真係只得一張單面又少野食到爆既"menu" 卡仔印象中有A set 係幾款面餐& B set 係幾款飯餐同幾款小食A & B 夾埋既選擇真係超少..........................問佢可唔可以A set 既排骨面轉做排骨飯,佢話d 野set 死左無得轉好少可d 餐廳會咁唔識變通。唔緊要.. 或者真係公司規矩轉唔到野食啦,個侍應不停迫我地食某d 佢"介紹"既野食個態度好似已經幫我地落埋單..... 過程非常不愉快同埋佢畀既係零建設既提議到上菜.. 我地2 個人坐4 人位,張檯&周圍都好空曠上菜個侍應竟然將我個飯就咁凌空對埋黎,表現到奉旨要我接住咁完全無擺底係檯既意慾 ..............................................................
有一日同男朋友收工後見未食過呢間餐廳一於去試下,點知就奶野了................
- 服務態度非常差
- 食物質素非常一般
- 唔抵食
見到佢間鋪咁大,客人先得果小貓三四隻都算啦
(多數呢d 情況間野都唔慌好食得去邊)
平時去食飯,除左畀推介食品/特別餐既卡仔之外,都會有本menu
點知佢真係只得一張單面又少野食到爆既"menu" 卡仔
印象中有A set 係幾款面餐& B set 係幾款飯餐同幾款小食
A & B 夾埋既選擇真係超少..........................
問佢可唔可以A set 既排骨面轉做排骨飯,佢話d 野set 死左無得轉
好少可d 餐廳會咁唔識變通。唔緊要.. 或者真係公司規矩
轉唔到野食啦,個侍應不停迫我地食某d 佢"介紹"既野食
個態度好似已經幫我地落埋單..... 過程非常不愉快同埋佢畀既係零建設既提議
到上菜.. 我地2 個人坐4 人位,張檯&周圍都好空曠
上菜個侍應竟然將我個飯就咁凌空對埋黎,表現到奉旨要我接住咁
完全無擺底係檯既意慾 .....................................................................
我覺得.. 唔係啊嘛?
如果環境好迫,你實在無辦法畀到碟送畀我,要我接住我覺得好合理,我亦唔介意
但你要我老奉接住碟送?!
野食方面... 完全講唔上係好食
只係食得落既質素 ...........
再加上,佢個門口係長期大開
為左方便侍應將菜拎到室外既檯
搞到不停有蚊滋係咁飛 ....
咁既服務,咁既食物。要我畀$1 都嫌貴
張貼