影片
更多
2024-04-09
65 瀏覽
大學畢業之後就好少去真正嘅圖書館「摺拉」，今次就特登約男朋友去咗間叫圖書館嘅餐廳食晚飯😆喺枱仲未準備好嘅時候，我哋可以坐喺好靚靚嘅梳化位置等，呢個安排真係超級貼心！穿過夢幻嘅花花走廊就座之後，職員好細心咁樣同我哋介紹佢哋今日新嘅餐牌，之後上嘅每道菜職員都有細心咁介紹，好有去咗酒店高級餐廳嘅感覺🥰🐟立鱗馬頭魚一直都好想試立鱗燒，因為呢度菜好考功夫，唔係好多地方有得食。一般廚師用油淋落啲鱗片上面令到佢哋豎晒起身，形成脆口嘅感覺。魚就選擇用上本地新鮮馬頭魚，魚肉夠曬鮮嫩同鮮甜。醬汁用左豆豉同埋燈籠椒，做出類似小炒王嘅汁。我哋一致認為呢度菜完全媲美米芝蓮菜式！🥓茴香豬肉腸貓耳朵好驚喜呢度嘅貓耳朵係自家手工製 ，口感好煙韌，係我哋好鍾意嘅質感。意大利入口嘅豬肉腸特有煙燻嘅味道，再帶點點微辣。油脂嘅香味配上茴香嘅鮮味做到好好嘅平衡，醬汁帶微辣，特別惹味。🥂香檳海膽意大利粉海膽嘅成本本身都幾高，呢度足足有五舊完整嘅海膽，真係好值得食！除此之外，醬汁都用咗海膽做底，再配上牛油煮個意粉，食完之後仲有淡淡的香檳味散發出嚟，然後再配上新鮮嘅海膽，完全估唔到呢個配搭咁好食！🐑烤羊架配燴羊肩因為呢度啲嘢食太好食
大學畢業之後就好少去真正嘅圖書館「摺拉」，今次就特登約男朋友去咗間叫圖書館嘅餐廳食晚飯😆
喺枱仲未準備好嘅時候，我哋可以坐喺好靚靚嘅梳化位置等，呢個安排真係超級貼心！穿過夢幻嘅花花走廊就座之後，職員好細心咁樣同我哋介紹佢哋今日新嘅餐牌，之後上嘅每道菜職員都有細心咁介紹，好有去咗酒店高級餐廳嘅感覺🥰
🐟立鱗馬頭魚
4 瀏覽
0 讚好
0 留言
一直都好想試立鱗燒，因為呢度菜好考功夫，唔係好多地方有得食。一般廚師用油淋落啲鱗片上面令到佢哋豎晒起身，形成脆口嘅感覺。魚就選擇用上本地新鮮馬頭魚，魚肉夠曬鮮嫩同鮮甜。醬汁用左豆豉同埋燈籠椒，做出類似小炒王嘅汁。我哋一致認為呢度菜完全媲美米芝蓮菜式！
🥓茴香豬肉腸貓耳朵
6 瀏覽
0 讚好
0 留言
好驚喜呢度嘅貓耳朵係自家手工製 ，口感好煙韌，係我哋好鍾意嘅質感。意大利入口嘅豬肉腸特有煙燻嘅味道，再帶點點微辣。油脂嘅香味配上茴香嘅鮮味做到好好嘅平衡，醬汁帶微辣，特別惹味。
🥂香檳海膽意大利粉
4 瀏覽
0 讚好
0 留言
海膽嘅成本本身都幾高，呢度足足有五舊完整嘅海膽，真係好值得食！除此之外，醬汁都用咗海膽做底，再配上牛油煮個意粉，食完之後仲有淡淡的香檳味散發出嚟，然後再配上新鮮嘅海膽，完全估唔到呢個配搭咁好食！
🐑烤羊架配燴羊肩
4 瀏覽
0 讚好
0 留言
因為呢度啲嘢食太好食驚艷到我哋，所以我哋最後再加咗熱門菜式羊架。最面頭有兩件慢煮羊架，中間嗰層就隱藏咗一件大大舊嘅南乳羊肩，一絲絲超級嫩，最底仲配上咗爽脆嘅生菜。成道菜用咗羊腩煲嘅概念去整，但係用西式嘅方法展現出嚟，鹹甜平衡得好好，超級有驚喜！
張貼
