TOSS 蘇媽.蘇媽

營業中

休息中

「蘇媽蘇媽」呢間餐廳聽就聽得多，但一直未有機會試，早排知道佢地終於開到入屯門，今日經過見唔係太多人，終於可以試下了。椰香咖喱喇沙 :食馬拉菜，喇沙可以話係必然嘅選擇，呢度嘅喇沙麵條可以揀油麵/米粉/滲滲或河粉，我哋揀咗油麵。喇沙湯椰香味濃郁，味道甜中帶少少辣，油麵吸收晒喇沙湯底，份外好味；配料有蝦仁、魷魚圈、螄蚶、魚肉春卷等等，非常豐富，食完感覺好滿足。椰香咖央多士 :多士烘得香脆，夾住滿滿嘅咖央醬及牛油，入口有濃濃嘅椰香甜味，配埋牛油嘅鮮味，食落非常開胃。馬拉沙嗲串燒 :一份有六串，可以揀豬、牛或雞，我地每樣叫咗兩串。串燒炭香味十足，肉質嫩滑，依然保有肉汁，唔會燒到又乾又韌，配埋秘製沙嗲醬，六串真係話咁快就食晒。餐廳做緊飲品第二杯半價，咁抵又點可以唔叫返杯特式飲品？虎咬獅 :虎咬獅係馬來西亞非常受歡迎嘅飲品之一，即係美祿+白咖啡。入口除咗有美祿香濃嘅麥芽香味，亦有淡淡嘅咖啡苦澀味，相當有層次。