來多碗車仔麵 (民裕街)

營業中

休息中

話說今日要出紅磡一帶做野,收工又係在紅磡工廠區一帶,行過發現呢一帶的食店都換了幾間,行行下見肚餓,我就同同事醫肚先。於是大家就決定去食好耐無食過的車仔面,間舖頭個名好有趣,叫來多碗。原來唔經唔覺,呢間舖已經係第幾間的分店。舖頭門面簡潔乾淨,一入去就係點面點餸區,大家可以如常咁叫你想食嘅麵,之後點送之後再揀特製嘅辣醬呀或者蔥花咁等等,呢次見到有菠菜面咁所以就試下菠菜麵啦,呢次我點了4個餸,一面4餸就$38,都唔算太貴。最緊要係耐唔耐食一食車仔面回味一下以前讀書時代的日子。有各式唔同的粉面其實都幾花多眼亂,樣樣都想食,攪到自己有選擇困難。店內有一幅香港懷舊油晝。波菜面,面質同油面差不多,幾有咬口,食落幾得意。豬腸肥美滑溜,洗得夠乾淨,又整得好入味。金錢肚爽口。仲有辣魷魚都好好味。耐唔耐食一次車仔面,零舍夠滋味。