榮記粉麵

營業中

休息中

每年總有日會黎維園， 每次出發前都會同朋友黎食呢間車仔麵。 無一例外， 其實每次都好多好多人排隊， 好長龍😂😂， 不過其實鋪頭都坐得唔舒服， 所以就算好長龍， 鋪頭又好細， 都唔會等好耐。每次黎親都聽到好多熟客同d姐姐吹水， 係鬧市中既人情味小店呀🥰🥰鋪頭餐牌非常仔細咁寫左唔同配搭咩價錢， 我自己好鍾意佢地好多餸係依家其他車仔麵未必有， 好似麵筋， 墨魚鬚， 牛肺咁， 但係我最最最鍾意係豬紅， 佢地豬紅唔係一粒粒正方形咁， 係一大塊切開， 好入味， 我有時會食一個麵， 再加一碗豬紅先夠喉😂, 最後！ 記得一定要加辣呀～佢地個辣都好不錯㗎～