影片
更多
2022-08-12
2004 瀏覽
本身依間餐廳我老闆經常會去食，今日lunch唔知食咩好，就諗住去試吓點知就中伏。首先一去到門口已經聞到一浸啲up味，似係啲冷氣槽死左老鼠咁，已經心都涼左一半。然之後有個紮馬尾嘅阿姐，態度非常惡劣咁叫我哋入去坐。坐低之後叫咗個牛肉套餐，好快上咗一碟前菜，但竟然係蒜蓉白菜，冇諗過喺韓國餐廳食嗰set lunch竟然連泡菜都冇。依個套餐要$73，但係入邊完全唔足料，超薄牛肉得個5塊，但係超甜，食完分分鐘會有急性糖尿病個隻，啲調味完全唔韓式絕對係港式。我都明喺香港平日返工食晏晝就好似做狗一樣，食完就要即刻走，天經地義。咁本身我哋都係一班識做嘅人，但係個阿姐見到我只係食咗一半已經走埋嚟催我哋埋單，嗰下我就已經覺得佢好過份，仲要用啲好惡劣嘅態度叫我地快啲埋。大佬呀，雖然嗰超薄牛肉得5塊啫，但我起碼一半未食啊，連落單上菜我地都係坐左25分鐘啫。到最後埋完單，我覺得個數唔係好啱，所以想攞張單黎睇多次，點知呢個時候個阿姐竟然發皮四，話埋左單就無得check，我話唔係啊，嗰數好似有啲啱，佢答我咁我報警囉，我話食飯啫，唔駛玩到咁大啊嘛，最後爭持不下，佢竟然問候我老母，當然我都問候返佢娘親，加埋佢全家，最後係
首先一去到門口已經聞到一浸啲up味，似係啲冷氣槽死左老鼠咁，已經心都涼左一半。然之後有個紮馬尾嘅阿姐，態度非常惡劣咁叫我哋入去坐。
坐低之後叫咗個牛肉套餐，好快上咗一碟前菜，但竟然係蒜蓉白菜，冇諗過喺韓國餐廳食嗰set lunch竟然連泡菜都冇。
依個套餐要$73，但係入邊完全唔足料，超薄牛肉得個5塊，但係超甜，食完分分鐘會有急性糖尿病個隻，啲調味完全唔韓式絕對係港式。
我都明喺香港平日返工食晏晝就好似做狗一樣，食完就要即刻走，天經地義。咁本身我哋都係一班識做嘅人，但係個阿姐見到我只係食咗一半已經走埋嚟催我哋埋單，嗰下我就已經覺得佢好過份，仲要用啲好惡劣嘅態度叫我地快啲埋。大佬呀，雖然嗰超薄牛肉得5塊啫，但我起碼一半未食啊，連落單上菜我地都係坐左25分鐘啫。
到最後埋完單，我覺得個數唔係好啱，所以想攞張單黎睇多次，點知呢個時候個阿姐竟然發皮四，話埋左單就無得check，我話唔係啊，嗰數好似有啲啱，佢答我咁我報警囉，我話食飯啫，唔駛玩到咁大啊嘛，最後爭持不下，佢竟然問候我老母，當然我都問候返佢娘親，加埋佢全家，最後係呢個互相關懷既氣氛下離去。
總結：環境 - 冷氣有陣除；食物-港式調味，死甜；服務 - 令人歎為觀止既惡劣，好似我欠左佢咁
張貼