民聲冰室 (已結業)

平時大坑個間就食得多，今次黎到筲箕灣，我地提議左好幾種唔同餐廳種類出黎，屯門區既朋友揀左想食冰室！好~出發黎到呢度，因為已經係下晝2點既關係，我地唔洗等位。入到去坐底，我同男朋友叫左咸蛋蒸肉餅同梅菜蒸勝瓜。肉餅山賣相滿分，肉山上仲有個大大粒咸蛋黃太陽，又靚又有意境。肉餅山味道依然好味，好夠鬆化！夾埋咸蛋黃個種甘香，不之得了~唯一可以彈既地方係佢加埋豉油有啲偏咸，除此之外其他都好好。另外既梅菜蒸勝瓜，勝瓜大大粒，梅菜都好香，唔太咸，質地又唔會太冧，仲有啲爽口。呢2味好似好普通既家常棻，襯一碗白飯真係無懈可擊！