三滝 (已結業)

今日下晝突然間落大雨，搞到我買唔切送，唯有出去買外賣做晚餐喇！經過三滝，見有啲丼飯同小食就試下喇！order左份牛肉薯餅同日式炸雞！一拎上車，薯餅嘅香味四溢，湧曬出黎，恨不得即刻拎件出黎食呀！反而炸雞就麻麻，炸到太乾，唔夠juicy ，有待改善！而丼飯方面有超多款，每款都有唔同名，亦都可以自選材料，配搭自己鐘意嘅海鮮丼！我就揀左$98嘅平泉丼，有兩粒肥美嘅帶子，大大塊嘅北寄貝，新鮮嘅馬刀貝，翡翠螺同甘蝦！最勁係啲wasabi 醬，非常啃，唔似一般枝裝唧出黎嗰啲味咁假！叫左三樣野都夠我兩口子作為晚餐，非常抵食又唔錯！