Patisserie Tony Wong (已結業)

Tony Wong 係帝苑既時候，出品有姿勢有實際，畢竟全幅精力放係做餅上面。衣家出左黎開檔，名氣大左，又要上節目，又要顧住盤生意，又要開分店，又搞另一條甜品line........實在豬籠入水，已經變成生意人，多過餅師！呢個 Mango Napoleon 當然係由佢…既師傅操刀啦。芒果極甜，賣相又靚，不過衣家賣相靚已經係高級甜品既基本要求，賣相靚唔等於味道好。呢個酥，新鮮砌起，唔好放太耐，可以保持酥脆，而且酥皮硬度恰到好處，唔會太實，切到一件件完完整整既，不過酥皮味道就唔係好夠，只得口感，實在有 d 可惜，酥皮轆得好固然重要，但係入口無味，唔香…都好弊！Tony Wong 幾家舖師傅都唔同，間間水準都不一，實在要睇你好唔好彩。不過可以肯定既係，分店多左，佢地水準已經大不如前，而且唔穩定…名氣大，就要賺左錢先…質素其次！