Diff. Cafe (已結業)

呢間店舗出嘅燉飯，都未食過，所以就叫咗個蟹膏忌廉海鮮飯試下。老實講幾鍾意呢個燉飯，蟹膏味夠，入面海鮮配料都多，並不會淨係得飯。意大利燉飯個醬，包裹住每一粒珍珠米，珍珠米比較軟淋，同意大利米嘅煙韌有少少唔同，所以非常易入ロ，口感比較適合鍾意較淋嘅人。非常推薦各位嘗試，雖然望落份量唔算太大，但事實上係好飽肚。另外再叫多個海鮮薄餅，薄餅上面嘅海鮮料都充足;而啱啱焗起嘅薄餅哪邊脆，都幾好食。總括嚟講呢間嘅燉飯同埋薄餅都高質。