LN COFFEE

營業中

休息中

LN 喺一間素食cafe, 所有食物都係用素肉，而且像真度極高。晚餐時間人流唔多，可以舒舒服服過一個寧靜晚上。幾鍾意餐廳嘅裝潢，以木色為主色調，簡約中帶點大自然色彩。👉🏼幸福公司三文治三文治好大件，仲有薯角。睇落唔大份，但食到一半已經飽了。睇吓件三文治，可以揀toast或者唔toast, 入面有一塊扮肉嘅素肉，食落真係有一絲絲嘅肉絲，勁似食緊肉😳加上好好味嘅沙律醬，呢個三文治俾人好清新嘅感覺。呢啲薯角熱辣辣架，店員仲好好人幫我refill茄汁。我認我係茄汁怪😋跟餐仲有一個南瓜湯，個湯好幼滑，好好味喎。整體職員好有禮貌，好親切，令我覺得好舒服。