更多
2008-12-24
25 瀏覽
今晚平安夜費事同人逼食聖誕西餐,於是打算去食中菜,原先諗住去上海街或者石硤尾幫襯另外兩間以前幫襯過都幾好嘅小菜館,點知去到太子,見到呢間朋友曾經介紹過話d小菜都唔錯嘅小店,費事再行來行去,於是同太座入去試吓佢d手勢。呢度地方係街坊左d,d一睇就知做左好耐嘅伙計d服務態度係比較普通,不過佢d小菜真係一d都不賴。今晚見係平安夜,諗住食得豐富d,兩個人叫左兩餸一湯,加個招牌生炒糯米飯,哈,樣樣味道都唔錯喎!1)生炒糯米飯:係最耐先到嘅,因為係即炒,所以要耐d,d飯好乾身,睇得出一粒粒飯係分開嘅,唔係一舊舊,料雖然唔算太多,不過都ok,而且面頭仲有蛋絲點綴,味道也好!2)西檸雞:味道都唔錯,不過d檸檬唔係咁靚,有d苦味,所以搞到有d雞都有少少苦,不過整體味道都算唔錯嘅。3)瑤柱扒豆苗:分量夠多,味道也不錯,係咸左少少咁多。4)海底椰螺頭燉雞腳:原本想飲好耐冇飲過嘅杏汁燉白肺,不過伙計話已經賣晒,所以改飲呢個湯,哈!味道又幾好喎,而且d料都幾夠,下次一於來試試個白肺湯先!埋單食到飽飽,仲有消滯橙一碟,都係二百蚊多d落樓,平安夜晚飯,都算好抵啦!
呢度地方係街坊左d,d一睇就知做左好耐嘅伙計d服務態度係比較普通,不過佢d小菜真係一d都不賴。今晚見係平安夜,諗住食得豐富d,兩個人叫左兩餸一湯,加個招牌生炒糯米飯,哈,樣樣味道都唔錯喎!
1)生炒糯米飯:係最耐先到嘅,因為係即炒,所以要耐d,d飯好乾身,睇得出一粒粒飯係分開嘅,唔係一舊舊,料雖然唔算太多,不過都ok,而且面頭仲有蛋絲點綴,味道也好!
2)西檸雞:味道都唔錯,不過d檸檬唔係咁靚,有d苦味,所以搞到有d雞都有少少苦,不過整體味道都算唔錯嘅。
3)瑤柱扒豆苗:分量夠多,味道也不錯,係咸左少少咁多。
4)海底椰螺頭燉雞腳:原本想飲好耐冇飲過嘅杏汁燉白肺,不過伙計話已經賣晒,所以改飲呢個湯,哈!味道又幾好喎,而且d料都幾夠,下次一於來試試個白肺湯先!
埋單食到飽飽,仲有消滯橙一碟,都係二百蚊多d落樓,平安夜晚飯,都算好抵啦!
張貼