Acme (已結業)

星期五晚同朋友慶祝生日，佢揀左呢間餐廳。我地四個叫左好多野食，全部都好好食，擺盤又精緻，不過定價進取，份量細，但都推薦黎chill下。Sourdough Flatbread x2個包好好食，好鬆軟，攞黎蘸hummus食，但齋食都已經好出色。Broccolini Hummus係鷹嘴豆泥，伴碟有羊芝士、牛油果蓉、羽衣甘藍、西蘭花苗，唔錯。Deep Fried Halloumi即係炸芝士，好香口，一啲都唔膩。Watermelon Salad幾清新。Mussel Toast好細份，但好正，多士外脆內軟，配青口好好味，仲有薯片同yogurt。Culurgiones係雲吞，皮整得好好食，個餡都唔錯。Octopus必叫，超級好食，彈牙得黎又好好咬，個醬都好好味。Baklava係細細舊既甜品，鍾意nuts既人一定會鍾意。補充下餐廳切餅費收$250，連擺雪櫃都要收$50，所以我地都係去朋友屋企食蛋糕慶祝。