東江大飯店

營業中

休息中

朋友話好耐無o黎過，而且我又未試過，所以大家都決定o黎食。好彩早一步到，遲d o黎要企門口等位。四個人叫了一個268蚊套餐，當然有招牌鹽焗雞(半隻) 、京都骨、三鮮骨髓、客家釀豆腐及冬瓜粒湯。鹽焗雞d肉算嫩，勝在味道o岩o岩好，唔會過咸；京都骨啖啖肉，一d肥膏都無；釀豆腐一般啦，可惜墊底的黃豆少，因為醉瓊樓勁多黃豆墊底；三鮮骨髓成碟清晒，一條都無剩。我o地見到其也客人好多都有叫梅菜鯇魚，又大條又正又只係40蚊，所以再加一碟梅菜鯇魚，梅菜唔咸，鯇魚肉新嫩，又係成條食晒。個個食到飽飽，埋單到係330蚊，抵到難。