東江大飯店

營業中

休息中

雖然說豆腐火腩飯是男人的浪漫，但我都想嚟呢間老牌飯店試下。◇火腩豆腐飯都有幾件火腩和豆腐，味道算係一般，但係跟個例湯唔夠熱，只可以叫做平民飯店！希望飯店可以提高服務質素和食物水平！！如果唔喺只會不斷流失老顧客。

老字號客家菜。鷄超好味👍🏻，必食！另外椒鹽魷魚也是有驚喜😍梅菜扣肉肥瘦適中，梅菜好好味，餸飯一流。蒸鯇魚也一流👍🏻。只是炸大腸有些失準😟侍應服務態度也好好！值得推介。👍🏻👍🏻

提早慶祝父親節雖然成日經過呢間飯店，知佢老字號我都係第一次來食，預早電話訂座，訂20:00，約19:40到，人唔算多，約7成客，被安排坐樓上雅座，後面2張細枱無人坐，環境光猛算乾淨，如果坐滿客就會迫及好嘈，因樓低矮唔覺唔覺點了9個菜，好彩唔大碟，大家都食得曬雞，羅漢齋，蒸魚可以留低其他…….試過就算👍🏻鹽焗雞入味，唔太肥👍🏻蒸魚，新鮮，豉油汁好味😋👍🏻羅漢齋，家人推薦👍🏻炸豆腐，家人推薦，但唔係我口味，我鍾意酒樓椒鹽豆腐粒多啲👍🏻炒通菜，不過不失😣炸大腸唔香唔脆，都係街邊店好食😣京都骨，咁啱我夾到舊肥肉⋯⋯😣中式牛柳，無口感，太冧，家人話梳打粉醃過龍😣煲仔蠔，蠔細隻，我仲以為磨菇食後係度睇到其他評語，話東江服務差，好彩我地無遇到，有2位職員（叔叔同姨姨）都好主動同我哋傾計，叔叔仲介紹菜式比我地，服務態度好滿意，仲話下次要再來食餸連1支啤酒5罐汽水盛惠$15xx

📍東江大飯店荃灣沙咀道290號地下呢間飯店屹立於荃灣已經多年了，飯店樓高兩層，提供客家菜和中菜。呢啲飯店買少見少喇，所以偶爾都要去幫襯一下。🐔必叫鹽焗雞，好入味，配埋沙薑醬料，非常美味，送飯一流。🐖梅菜扣肉，不過不失，肥肉咬落唔油膩，依家梅菜相較以前，味道無咁咸，都係送飯之選。炸大腸，炸得脆口，味道都👌🏼，唔錯。🤤😋羅漢齋，份量少了一點，而且比較多油，一般。🐖西芹炒豬腰，豬腰爽口，但略嫌多油一點。

這晚路過這相信是荃灣剩下來唯一的客家菜館，再不吃，恐怕很快就沒了。我雖然也是荃灣街坊，也有十年沒在這裏吃過飯了，餐牌雖有點土，但起碼是新的，廚房卻十年人事「沒」番新，唉 ...先來個最經典的客家菜，“梅菜扣肉”，一看豬皮部份就知夠軟糯夠粉嫩，不過瘦肉部份卻有點柴，梅菜還好，合格。這個最失敗，“百花炸大腸”，蝦膠麵粉太多，不夠彈牙，一般。“東江豆腐煲”，豆腐釀了少許豬肉，增加了點兒香味，挽回點分。水準一般，可惜。

好耐無去荃灣區行街，襯連續幾日新年假期，就去行下食下嘢，其實係掛住荃灣區兩間老食店所以先去荃灣😋沒有自由行後，荃灣區仍然人流暢旺，四處商場都係遊人，但奇怪的商店無人購物，食店食客疏落⋯⋯一早已經約定晚餐食呢間，佢嘅霸王雞同埋有炸大腸嘅四喜大拼盤簡直係叱咤飲食界幾十年，上次嚟已經係三年多前，三年無嚟過真係好掛住❤️‍🔥之前去過好多人要等位，購物完趕去東江，怕夜咗會多人，去到都已經七點，推門入去都真係嚇一跳，一個客都無🤭都唔理得咁多即刻叫嘢食西洋菜鮮陳腎湯味道都可以，略為歉多咗味精。霸王雞雞肉夠嫩夠滑，有雞味。四喜大拼盤就真係太過差勁了👎炸大腸唔脆，應該係炸完擺喺度好耐，淋晒仲帶靭。生炒骨、炸鮮魷、腐皮卷又係唔脆淋晒，全碟嘢凍冰冰無熱度，一D 唔好食仲有少少難食添😓還有一碟韭黃炒黃鱔，味道只係普普通通，份量幾細😓總之就真係有啲失望！不過還要一提，我坐在樓下，由我七點食晒埋單都差不多九點，全下層除咗我之外就只有三個客，樓上只有一枱六個客，十點禁堂食，應該九點後都唔會再有客到訪，疫情下東江生意真的很淡薄，希望這些傳統老店能將他們的秘方做好，否則這些老店就只會買少見少。。。

食物正正常常，但係員工一啲都唔得! 我食完飯離開咗東江大飯店15分鐘後發現無拎電話，我老公即刻打電話去問，佢秒答無執到，仲話個位已經俾人坐咗就收線。因為我真係好肯定放低咗喺凳，加上已經差唔多十點，點都唔會有人再堂食吧？我即刻上的士諗住自己去返鋪頭搵，唔洗一分鐘我朋友打電話嚟話幫我拎返個電話! 佢話去到有個飯店呀叔坐正喺我個位，佢哋用電話影住佢，問佢有無執到電話，一開始都係話無，朋友話就喺你坐果個位，之後死死地氣拎返個電話出嚟，話睇唔到喎..真係好失望!!!!!! 係誠信嘅問題，無論佢食物質素係點，我永遠都唔會再去，大家叫小心!!

楚撚記walk in冇位，唯有食東江，因為老人家喜歡中菜。本身都冇乜期望，但最離譜嘅係我哋明明叫半隻雞，佢嚟咗全隻，個老夥計話叫我哋食多啲，意思不可以退！算啦...我地好人見佢老人家幾十歲，梗左佢。點知招牌菜係雞的呢間餐廳，隻雞鞋口到，淨係目測都見到啲肉係乾爭爭的，質素極差👎🏻👎🏻👎🏻。其他食物水準都不堪入目🙈🙈🙈，碟釀豆腐，啲魚肉可以跌晒出嚟，一粒粒；牛骨髓諗既，完全唔爽口...砂煲魚頭冇魚雲冇肉食又過鹹...老實講，連茶餐廳小炒都好食過佢！因為個老夥計落錯單搞到我哋食唔晒隻雞，我地要個盒拎走，呢間垃圾餐廳都收返$1，於是我哋同佢理論（比$1雞當然冇問題），但有冇搞錯，而家你夥計落錯單我哋食唔晒要個盒；$1都要收我哋錢，服務態度真係極差，你夾硬比多半隻雞我地食，我地都冇同你計，$1你都計返，而且從來冇同客人道歉或覺得自己有錯不好意思...勁嬲，咁既餐廳仲話做左40年，人情味都冇，早日執笠算數！！！

這家40年的老店 — 東江大飯店，相信荃灣友應該都唔會陌生! 就算未食過都一定知道飯店既位置🤣 這家老飯店是吃客家菜的我平常也很少光顧，但難得爸爸提出想吃咁就陪下佢啦！全晚嘅焦點絕對係雞金牌鹽焗雞 霸王大肥雞由於人多所以兩款雞都叫左半隻有得比較下😛 兩款雞既賣相都唔錯,雞味濃肉質嫩滑,雞皮也很爽滑👍🏻 兩者比較, 金牌鹽焗雞相對比較吸引,因為食落帶有鹹香🤤配上沙薑一起吃更加惹味, 果然是值得推介的招牌菜！另一款招牌菜- 脆皮炸大腸🥢這款招牌菜也是值得一試的🤤 豬大腸的外皮炸得很香脆，而且也處理得很好沒有騷臭味，配上甜酸醬一起吃，真的會令人吃上癮！送酒吃更是一流😍

真係唔知佢想點囉，啲嘢食又唔係太好味，茶樓剩係得一種茶？一定要食小食？依家強迫消費？一入到去啲茶水同埋小食已經擺好喺張枱上面，我哋話唔要小食佢哋話就算唔食都要收費，都算啦，仲要同我哋講每台嘅茶都係一種茶，冇得轉茶飲，我睇你就係懶啦，沖好晒啲茶擺喺枱面度梗係唔想換俾我哋啦。嘢食價錢我覺得OK，220左右兩樣餸。白飯無知，當佢20（我哋嗌左兩碗）收錢嘅時候收我哋307。即係服務費同茶錢同小食收差唔多$60？你哋冇錢開飯？真係估唔到咁樣兩個餸307，完全覺得唔抵囉，點解服務費要收咁貴？服務態度又唔係好，想了解清楚價錢態度差到要死。如果你哋要去食嘅話小心佢哋收你哋嘅服務費之類，真係貴到離譜。

雖然限聚令放寬到可以8人聚餐，但我們一共有10人，母親節媽媽不想分開坐，決定買些外賣及自煮美食。問媽媽想食什麼，她說：想吃荃灣東江大飯店的「金牌鹽焗雞」。這家40年的老店，我很少光顧，但疫情前，爸媽間中也會特登來吃他們的鹽焗雞。 母親節這天我負責去買蛋糕及買雞，一進門，親切的老店員，笑容滿面用半鹹淡的廣東話招呼我。每隻鹽焗雞要$ 248，有點貴，但媽媽喜歡，冇所謂，我買了2隻。雞很大隻，雞味濃郁，肥瘦適中，鹹味啱啱好，而且味道很真實，加上附上的沙薑醬，實在回味無窮。

野食普通冇賣相都算 啲員工態度超差 環境惡劣 比左個偏僻又擠迫嘅位我地 然後又唔比我地坐咁出話擋佢路 企係我後面係我頭上咳唔蓋口 隔離枱嘅客人走但冇位出 我地食食下都要讓開晒成個位比佢地 個員工過黎執隔離張枱 勁大力拍埋我隔離張凳 撞到我隻腳 又冇say sorry 員工質素極差

不知有多少年沒有來這裡吃飯了，今年冬至提前做節，決定來嚐嚐久違了的客家菜。梅菜扣肉，兒時的至愛蒜茸炒豆苗，份量味道不錯脆皮炸大腸，打冷必點菜心炒牛丸，大哥指定要點東江豆腐煲，有驚喜中式牛柳，又是我最愛原隻鹽焗雞，肉質鮮嫩京都骨，稍為失望的菜式一家10個人，埋單千零蚊，都算抵食，值得一讚係環境比以前整潔衛生。

黎得呢啲舊式大飯店，總會有啲期待，覺得會有驚喜咁，話曬都屹立不倒禁多年喎，不過呢今晚就叫不過不失啦。入到去就係舊式大飯店嘅裝修，有七八十年代嘅感覺，同時間天花滴緊水。一坐低就黎咗兩碟小碟（$16），有花生同蕎頭，真係舊式飯店先仲會有呢啲，身為蕎頭愛好者嘅媽媽仲感嘆咁講：「宜家邊度興呢啲啊！」鹽焗雞（承惠$13X）呢碟係東江嘅招牌菜，係好入味喎，雞夠大隻夠肥美，上菜温度都適中，隻雞好送飯，所以一黎咗隻雞就清咗大半碗飯嚕，其實送啤酒都搭喎，正啊。蒜蓉白菜仔（$5X）白菜仔炒得偏淋身，啱曬我呢啲箍牙人士，啲菜夠甜，又夠鑊氣，蒜味十足，五十幾蚊，比得過啦。梅菜蒸鯇魚（$8X）蒸魚真係有啲失望，鱗片未摑清，梅菜冇味，條魚就係正常鯇魚一條啦。食到尾段，侍應叔叔開始係我面前攛鼻屎，媽啊！衛生呢⋯⋯總括而言，今晚都食得愉快嘅，未來應該都會耐唔耐再戰。

朋友聚會，有朋友介紹我哋呢一間荃灣嘅傳統老字號客家菜飯店食飯，飯店有兩層，地方唔算大啲枱擺得好密環境會有啲迫， 坐低咗就開始叫嘢食 我哋一行四個人叫咗四個餸，分別有霸王雞半隻，薑蔥牛肉，椒鹽豆腐同埋蒜蓉豆苗 另外仲叫多咗啲青島啤啤佢椒鹽豆腐，個人唔係好好，覺得普通啦，豆腐外脆內軟唔會太乾，但係外層爭少少唔夠脆霸王雞面頭鋪咗一層薑蔥，雞肉嫩口，雞皮好滑好正冬天食材最啱曬食時令嘅豆苗豆苗好fresh好香， 同蒜蓉一齊炒將豆苗嘅鮮味逼曬出嚟，好好食薑蔥牛肉都好食，牛肉岩岩炒起好熱， d肉食得出係新鮮既，師傅控制火候好好，牛肉好香好滑，不過落調味重咗d咸左小小，略為蓋過咗牛肉本身嘅鮮味