パン達人手感烘焙 (已結業)

新年不停食食食，個人已經開始滯！唔想食咁多嘢，買個麵包做晚餐！以為我食麵包係委屈自己？錯了！我買了一個$25麵包做晚飯。唔好以為好似一條方包咁大個！其實只你一個比正常麵包大少少嘅麵包，店內麵包好「矜貴」，好多牌寫住「請勿以手觸摸麵包」，店員在膠食外再加個膠袋朱古力核桃（$25）：自家酵母、朱古力、核桃，含牛奶，招牌將成份寫得好清楚，比錢只可用現金，無八達通唔方便！返到屋企食，一咬落好鬆軟，個麵包咬落去扁咗之後，會即刻彈上來，彈性十足！朱古力味唔重，中間夾雜核核好脆！如果多啲會仲好味！成個包味道清爽，食得天然安心！店內仲有一本小冊子介紹晒咁多款產品，圖文並茂，幾好！店員一入店就落力叫買三個包有折，不過啲包真係幾貴！服務正常！