漢發麵家 (大南街)

營業中

休息中

我有個老友好鍾意食漢發，幾乎每個月佢都會揸車過嚟接我去大南街食，但大南街泊車好艱難，成日抄牌，但老友依然堅持一個月食兩次，有時等錶位等得耐，甚至冒住抄牌嘅危險double parking。講返漢發，嚟得梗係食豬潤，厚切豬潤夠曬嫩滑，但宜家唔係次次都咁高質，豬潤有時會有根，我覺得自從開咗灣仔同旺角分店質素係差咗少少，但整體都十分唔錯。如果三個人以上我哋會叫多一樣小食，通常係叫圓形嘅西多士，炸雲吞或蜆芥鯪魚球，佢嘅熱奶茶都好出色，但略嫌奶多咗少少，可以減返些少，茶奶比例平衡返會更加好。