阿鴻小吃 (已搬遷) 新店位置

去觀塘接老婆放工，順便食埋飯晚飯。好耐冇去過阿鴻小吃，同老婆立即起行。二人點了例湯粉葛赤小豆煲豬肉，招牌櫻花蝦XO醬撈麵，素鵝及半隻蒜香雞。例湯夠火喉，味道鮮甜，飲完口腔內亦有餘香。素鵝卻有點失色，味道較過往偏淡，腐皮唔係太滑，有啲退步。蒜香雞卻有驚喜，雞滑及蒜香汁味道濃烈，非常啱自己口味。櫻花蝦XO醬撈麵份量大，麵質保持幼細及爽，櫻花蝦落得重手，芽菜份量多，可惜味道都係有點淡，要加豉油調味。整體水平拉勻計，合格有餘，但比起過去幾次水準來比較，稍為失色。