悅滿軒

原本我對法國菜係冇乜興趣嘅，但今日同朋友嚟到呢間餐廳後成個大改觀！啲嘢食真係有俾佢驚艷到💕💕✨美國頂級牛腹肉12安士賣相已經好吸引，份量十足！肉質非常嫩滑，脂肪分佈均勻。五成熟嘅牛腹肉鮮嫩多汁，送入口嘅時候散發住濃郁嘅牛肉味，超級嫩口！仲配埋其他配菜同薯仔，椰菜花同蘿蔔都帶住微微燒烤嘅味道，營養均衡！✨烤焗法國脆皮黃油雞配炒栗子椰菜仔，西班牙紅椒忌廉汁～雞肉經過焗烤之後仲保持住鮮嫩多汁嘅口感，散發出濃濃嘅牛油味，最鍾意就係外層烤到金黃酥脆嘅脆皮！餐廳仲配埋西班牙紅椒忌廉汁，鮮艷嘅橙紅色睇見都開胃！蔬菜方面就配咗炒栗子同埋椰菜仔，口感超豐富！✨澳洲藍青口配西班牙藍芝士忌廉汁．薯條青口嘅份量好多，粒粒青口都開咗口，好大粒！而個汁加咗微微帶點腐乳味嘅藍芝士，令到醬汁更有層次，味道更豐富！新鮮青口唔需要任何調味就已經好鮮美，再加埋超濃郁嘅忌廉味，唔會太膩，好creamy🤤