辣蟹莊 (已結業)

我上星期五同父母、老婆同阿女去觀塘哩度食晚飯，皆因阿媽鍾意食蟹同近屋企，所以就去試試。食物味道一般般，但待應服務可以。可惜該次晚飯經驗係我一生之中最差!我哋叫咗孖寶，入面包一隻避風塘蟹同埋半邊燒鵝，但燒鵝一上枱，我哋就發覺燒到好黑好似炭咁(最衰唔記得影相)，我哋同侍應講想換過半隻鵝，侍應都好好，拎咗去俾燒味師傅，同佢講想要換半隻鵝，因為燒到太過火。點知隔咗一陣，個燒味師傅就喺廚房大大聲話，隻鵝燒到趣卜卜，邊x度黒！跟住企出廚房門口，即係我哋枱隔離，又再次大聲問候我阿媽同爆左一大輪粗口，x七我地。我同老婆背住佢，唔知佢有冇拎埋把刀出嚟，佢擺明知係我哋想換鵝，專登喺度嘈喧巴閉。跟住又話嫌黑唔x好食，叫侍應同我地講冇燒鵝換俾我哋，叫我地咪x食！當然我同老婆好嬲，但我哋都冇同佢嘈，因為而家啲人真係痴線，我哋又同埋阿爸阿媽同個囡一齊，如果佢發癲斬人，就真係無謂啦。最後我聽到個部長同佢講，隻鵝真係好黑點食。最終，佢換咗半邊鵝俾我地，當然個傻佬有冇加料，我地都唔去諗啦！今次食飯真係好唔開心，俾咗錢仲要俾人無端端爆粗侮辱父母，真係好無理。我嘗試上網搵哩間辣蟹莊嘅投訴渠道，但竟然冇，真係太差勁，唯有喺呢