影片
更多
2016-06-06
223 瀏覽
呢間店食物質素可以接受，但係侍應態度極差，自己做唔掂個場就會鬧客人，我唔會再幫襯。我住係附近，見呢間店平日下午人客稀少、唔洗等位，因此過去一年都經常光顧（係大學返緊下晝堂多，通常係果度食個lunch先去上堂），可以叫做熟客。相信果度啲員工都認得我，一般點學生餐要睇學生證，但佢地見我落單都唔洗我出示。上兩個禮拜同女友去食，就係午飯時間，大概一點左右，人流比較多。我一早去左攞位先，坐左係中間位置，女友十分鐘後到左，然後一如以往地落單，學生餐：大冷烏冬（冷烏冬加大要加六蚊）、小食、餐飲。女友同我講，佢坐既位置冷氣剛好吹正個頭，佢身體又唔太舒服，我就提議調個位置。我同佢換左位之後，情況都係差唔多，又見到角落位置岩岩有客人走左，我就同個男侍應講：「冷氣吹住個頭，我地想轉去果張枱。」佢話冇問題，就同我地一齊執曬啲野過去。新黎既客人都上曬餐，我地啲野食等左好耐都未到。我地望過去原本坐果張枱，原來啲野食送左去果張枱，而個客人又話「我地冇嗌呢啲」。有個女侍應就炆喇，係度鬧啲男侍應，但係隔左好遠唔知佢噏乜。個女侍應係個年約四十歲既中女，身材高挑，係度做左好耐，平時對住啲客都冇乜好氣。之後佢行左去我後面張枱
上兩個禮拜同女友去食，就係午飯時間，大概一點左右，人流比較多。我一早去左攞位先，坐左係中間位置，女友十分鐘後到左，然後一如以往地落單，學生餐：大冷烏冬（冷烏冬加大要加六蚊）、小食、餐飲。女友同我講，佢坐既位置冷氣剛好吹正個頭，佢身體又唔太舒服，我就提議調個位置。我同佢換左位之後，情況都係差唔多，又見到角落位置岩岩有客人走左，我就同個男侍應講：「冷氣吹住個頭，我地想轉去果張枱。」佢話冇問題，就同我地一齊執曬啲野過去。
新黎既客人都上曬餐，我地啲野食等左好耐都未到。我地望過去原本坐果張枱，原來啲野食送左去果張枱，而個客人又話「我地冇嗌呢啲」。有個女侍應就炆喇，係度鬧啲男侍應，但係隔左好遠唔知佢噏乜。個女侍應係個年約四十歲既中女，身材高挑，係度做左好耐，平時對住啲客都冇乜好氣。之後佢行左去我後面張枱度落單，落完單佢竟然用十分清晰明瞭既聲音講左句：
「轉枱搞亂曬。」
哇，我同女友當堂O左咀，即刻同佢講「唔轉得枱你就熄左個冷氣佢啦，吹住個頭。」佢唔知扮聽唔到定點，一直冇理過我同女友。我轉枱之前明明已經同你個同事講清楚左，你個同事亦都允許左，而家轉完枱，啲單亂左就可以話客人？如果係唔可以轉枱既，一早同我講話唔可以轉咪得囉，你去較細個冷氣就可以解決到問題。做左咁耐，呢啲野唔係要客人教返你掛？明明係你同同事溝通不足，啲單亂左，但都唔會係攞客人黎出氣掛？講真我食過澳牛、九記都叫見識過侍應可以有幾西，何況人地係客人講漏野、講錯野先會炆下。你間店食物又唔係特別好食（拎澳牛、九記同佢比真係好俾面佢），自己做唔掂個場又係度鬧客人。我真係諗唔到再幫襯既理由。
講返食物，之後再等左十分鐘，野食到左。女友食量細，佢嗌既係細冷烏冬。冷烏冬會跟個汁同芥辣，烏冬夠凍，口感都過得去。以前係度食，大同細既冷烏冬個size有好明顯既分別。但係可能今日午市多人，個場又冧檔，我個大冷烏冬同女友個細既size竟然差不多。早知係咁既話就唔加六蚊轉大冷烏冬啦。食左咁耐，都係食冷烏冬居多，因為附近比較少有得食。值得一讚既係單嗌一個細既冷烏冬十二蚊，算係幾平，如果細食既女仔都勉強夠食。如果係熱烏冬既話講真平平無奇，小食方面亦不過不失。餐飲選擇少，跟餐來去果三款，汽水再加兩蚊，要特飲另外俾錢。
明人不做暗事，你唔理我唔緊要，我埋單既時候就同返另一個女侍應講。收銀果個女侍應都係度做左好耐，成日見到佢，態度都幾好。我問佢態度差果個女侍應叫咩名咩職位，佢問我咩事，我就成件事講左。佢只係一味係度講對唔住，話今日比較多人所以先咁，會同果個侍應講返。下，唔係午市多人就可以鬧客人掛？咁我估計咁樣投訴都冇結果架喇，埋單走左就算。事後我查左呢間店既店主係顏冠一，嘗試聯絡佢，可惜過左十日都冇回應，唯有打上openrice。真係未試過食餐飯都要咁樣受氣，俾錢買難受。貼錢俾我都唔會再幫襯。
題外話/補充資料：
本來對呢間店印象都唔錯，否則都唔會經常黎食，可惜個印象就咁俾個惡劣既侍啊姐毀於一旦。上網睇左間舖開舖背後既故事，好欣賞個店主份心機，但竟然請左啲咁既侍應，真係替個店主感到可惜。
(以上食評乃用戶個人意見 , 並不代表OpenRice之觀點。)
張貼
