八福 (已結業)

夜晚間間餐廳都多人，揀左間唔多人嘅試下，晚飯餐牌唔啱食全散叫，咖哩魚飯，汁另上，唔錯魚夠脆，飯夠軟。但叫店員拎多隻碗來就叫左三次等左五分鐘。炸軟殼蟹賣相好得，好有氣勢，對比好多餐廳都靚，超好味，食完想再叫。明太子雞翼，唔好食，一般雞翼好食d，食食下無端端個店員走來拾碟，但係重點係我地隻雞翼未食完，店員你瞓醒未呀最後上埋個天婦羅蝦烏冬，味道普通不過不失，但食到差不多食完，個懵懵下員店又走過來拾嘢，我真係想講你好趕客呀，嘢都未食完你就拾檯，叫你拎嘢你又幾分鐘都唔拎。

之前都有幫襯過, 被呢到既烏冬吸引住, 覺得啲烏冬好彈牙好好味, 星期六日都唔算太多人, 起碼唔駛等位先, 今日大概1點45左右去到, 叫咗碗日式蟹柳湯烏冬加金桔檸檬, 付款時侍應話起碼要等15分鐘, 叫我去逛一逛再回來, 當時店內入座人數都有8成, 咁聽侍應講逛咗一圈商場都有15分鐘啦, 但仲未見有外賣出, 繼續企喺門口等啦, 又問下收銀員我既外賣有未, 佢話整緊叫我再等一等, 無耐有另一個侍應出嚟問我, 話唔知道我企咗喺門口, 原來收少咗飲品錢, 金桔檸檬要另加$6, 鬼咩人地叫外賣比埋錢都唔比返張單我, 坦白講多幾個客等外賣咪唔知邊個打邊個, 基本野嚟啦認單唔認人, 我足足等咗25分鐘先出到個外賣, 究竟廚房係咪得一個廚去做野呢? 係咪只得一個廚識煮烏冬呢? 我覺得呢到既老闆要檢討下人手分配既問題, 之前堂食見過老闆親自入廚房煮野

由旺角幫襯到而家，冷烏東好好味，不過其他就麻麻。剛剛買外賣，話明29蚊有8粒，點知最後得5粒跟openrice個電話打去又冇人聽，失望。不過因為鍾意食，希望下次可以用心啲，仍會支持。

食的時候是晚餐時段，附近大部分店前皆人山人海，四處走過後，發現此店內尚餘空位，便入來試了一次。試的是二人前晚餐，可選擇三款小食兩款主食及飲品兩杯，小食選擇汁煮牛肉、紫菜八爪魚丸、以及炭燒雞串，主食則是熱烏冬及咖哩蘑菇飯，飲品分別是茉香綠茶及紺吉青檸。因為沒試過店內其他，故評論針對以上食品。汁煮牛肉無驚喜，味道與吉野家相似，平平庸庸。紫菜八爪魚丸本身毫無味道，入口完全是沙律醬及紫菜的味道，而且一顆十分小，份量不足。炭燒雞串就完全是佳寶十多個錢一盒的貨色，有三串。主食熱烏冬，出菜一刻頗有一鳴驚人之覺，烏冬不同於普通，較細，湯清澈如水，入口談而無味，口感毫不特別，失望矣。咖哩蘑菇飯，蘑菇完全不入味而且數量極少。咖哩如包裝即食咖喱注水稀釋的味道，大家自行想像一下。飲品皆是熱飲，青檸味道極酸，綠茶美其名稱為茉香，實際不過是普通綠茶茶包，香味極淡。這樣的食品收126大元。而且二人食量已不大也完全不飽，只能說一句，伏也！

是晚剛完成考試與同學到得寶覓食。時間已晚附近選擇不多，只好吃宵夜套餐填肚套餐包一款小食，一款烏冬，一杯飲品。小食我要是八爪魚丸，一共五粒，做法模仿章魚小丸子。八爪魚丸很迷你，上面有紫菜絲和蛋黃醬，但沒有配上燒汁，味道合格。以前在八福只會吃冷烏冬，宵夜餐只有熱食。C餐－咖哩烏冬，湯底不太杰亦只有微熱，味道與咖哩磚開出的相似，有點失望。甜蛋卻不俗，也可見一層層的結構。同學的牡蠣滑蛋撈烏冬比宵夜餐貴二十元，我沒有吃過不作評論。撈烏冬份量比湯烏冬更多，作為充飢的一頓飯可以接受。整體來說烏冬水準比旺角店退步，我喜歡烏冬的咬口，煮麵的時間可以短一分鐘會更佳

去到九龍灣就諗住平食一餐就算，之後搵下搵下就見到呢間，感覺價錢都公道，就入左去食。去到就叫左個照燒汁雞扒吉列魚柳飯配中華沙律加迷你熱湯烏冬，飲荔枝水漾。野食到了，雞扒幾軟，幾好味。不過魚柳略嚴肉比較實，唔太鬆軟，如果鬆軟少少會好啲啲。而最欣賞係佢用珍珠米！其他嘅中華沙律同飲品都正常發揮，冇乜特別。不過想特意一提個烏冬，烏冬好好味，可惜份量太少。如果想試下多款野食嘅可以食呢間，唯獨份量差啲啲。

九龍灣呢區雖然多野食,不過假日都多人,於是走去遠小小既得寶商場,見到有日本野食,便入去一試。呢到既定食都有幾多選擇,價錢係50至60蚊左右,星期六既晚市算係幾平,仲全日免加一tim。最後揀左肥牛雞翼燒汁飯。份量就咁望落去唔算係超大,不過食埋其他野就好飽了。兩樣餸既味道都唔錯,而對個飯幾驚喜,因為無諗到六十蚊呢個價錢會食到珍珠米珍珠米加燒汁係絕配呀呢個定食仲包埋一碗細烏冬同小食,揀左中華沙律。烏冬既麵條係扁扁地,個湯底值得一讚,因為唔係普通熱湯,而家似麵鼓湯咁既,而且加左一D脆脆係湯而,更有口感,同個飯有得媲美!!以咁既價錢,其實對整個定食都好滿意,唯獨飲品可以再改善下,點左柑桔梳打,有點過酸,飲左幾啖先習慣,如果較番甜小小既話就會更好了。

晚上8時多才找晚飯吃的我倆,都是打算hea食之後再行下,黎到得寶商場行左個圈, 最後比佢嘅價錢吸引,再加上我地兩個都中意食烏冬, 而間食店又主打烏冬,所以就入去一試喇!睇完張單都應該估唔到我地叫左D咩野食XD我就叫左個金菇牛肉烏冬 (加大烏冬), 飯伴就叫左個海鮮窩燒烏冬, 另外加多左一客八爪魚餅。最先上的是八爪魚餅, 略嫌多左少少油, 不過味道不錯, $32的一客小食以這個份量也不算太貴。金菇牛肉烏冬 (加大烏冬+$6) - 雖然看圖可能會覺得個烏冬好清, 但其實我想講佢幾好食wo~ 牛肉不會太肥, 也有牛肉味, 湯底也有少少味, 至於烏冬, 口感唔錯, 都似有手打ge感覺, 我覺得呢個價錢黎講個烏冬都幾好食!海鮮窩燒烏冬 - 真心唔記得價錢, 不過比起其他湯烏冬呢個窩燒烏冬係偏貴少少 (好似大約$70-$80...?) , 製作需要久一點的時間, 佢個海鮮都算幾多款, 有2隻大大的帶子呢! 個湯當然比我果款好味, 個烏冬都係同一款, 不過佢呢個就煮得耐D, 會熱D同軟身D~整體黎講我覺得呢間店的食物係中等, CP值不錯, 下次再經過附近佢都會係我翻食ge list入面ge~

呢間店食物質素可以接受，但係侍應態度極差，自己做唔掂個場就會鬧客人，我唔會再幫襯。我住係附近，見呢間店平日下午人客稀少、唔洗等位，因此過去一年都經常光顧（係大學返緊下晝堂多，通常係果度食個lunch先去上堂），可以叫做熟客。相信果度啲員工都認得我，一般點學生餐要睇學生證，但佢地見我落單都唔洗我出示。上兩個禮拜同女友去食，就係午飯時間，大概一點左右，人流比較多。我一早去左攞位先，坐左係中間位置，女友十分鐘後到左，然後一如以往地落單，學生餐：大冷烏冬（冷烏冬加大要加六蚊）、小食、餐飲。女友同我講，佢坐既位置冷氣剛好吹正個頭，佢身體又唔太舒服，我就提議調個位置。我同佢換左位之後，情況都係差唔多，又見到角落位置岩岩有客人走左，我就同個男侍應講：「冷氣吹住個頭，我地想轉去果張枱。」佢話冇問題，就同我地一齊執曬啲野過去。新黎既客人都上曬餐，我地啲野食等左好耐都未到。我地望過去原本坐果張枱，原來啲野食送左去果張枱，而個客人又話「我地冇嗌呢啲」。有個女侍應就炆喇，係度鬧啲男侍應，但係隔左好遠唔知佢噏乜。個女侍應係個年約四十歲既中女，身材高挑，係度做左好耐，平時對住啲客都冇乜好氣。之後佢行左去我後面張枱

今日同班同事係九龍灣做完野想搵野食、聽講得寶開左好多餐廳、於是去睇下見到松記糖水行入少少有間放題、無乜人、就去左隔離間［八福烏冬］試下七點幾、8成滿、好在仲有將卡位坐下、環境算舒服、叫伙記介紹下有咩食、最後叫咗二人餐同佢地話新出推介既［味曾蕃茄蜆］無乜期望、但估唔到啲烏冬真係好!!!!! 好!!!!! 食!!!!!!!!!! 尤其冷烏冬最突出、放洛冷湯點完再食無得頂！烏冬屬幼身個仲、好有咬口、期他小食都唔錯、特別推介［煎廣島蠔］、［鯛魚腩］、［明太子雞亦］（太好食、唔記得影食物相^_^）最後四條友埋單都係二百幾、抵食都爆！下次一定再嚟、推介！👍

今日黎到九龍灣搵食，天氣實在太熱，完全唔想放煎炸熱氣野入口，知道得寶呢邊有間烏冬店，平平地就決定一試，2個人唔駛等即刻有位。晚上有2人套餐都可揀，但唔太啱我地心水，所以都係散叫。先點一個晚餐(蟹肉滑蛋湯烏冬+炭燒雞串)，我試左少少，唔.....麻麻地，嚴格黎講，呢個係撈烏冬，杰撻撻一Pat野，好似鼻涕芡咁，食完一滴湯都冇淨，而味道亦都怪怪地，雖然真係會夾到一粒粒蟹肉，但要我再食都咪搞。炭燒雞串，當然係雪藏貨煮熱，呢個從來唔得我歡心，雞肉永遠都係霉淋淋咁，完成冇雞肉既口感。而我就冇嗌餐，想食D凍野就點左海鮮芝麻醬冷烏冬，還好烏冬唔會煮得太淋，仲有少少咬口，而芝麻醬比起街買枝裝既稀，但就偏鹹偏酸，唔知鋪頭有冇重新調味，總括都算不過不失。飲品我地就揀左芒果水漾 & 茉香綠茶，其實都只係好普通既野飲，好彩都唔算太甜，未至於飲糖水。眼見星期六晚市都唔算太多客人，仲有空枱剩，除左價錢唔太貴之外都冇乜特別可取，我諗要等食物質素加強左先再考慮幫襯嘞.....

午餐時段來 人數不多 很多空位 跟朋友選擇了一個自閉位坐 點了兩份學生餐 只需要出示學生證便可點了熱湯烏冬配炭燒雞串 朋友選 配章魚餅 如果記得的話 會盡量拍攝餐牌給大家參考參考!熱湯烏冬 配 雞串 烏冬入口彈牙 幼幼的 再配熱湯 很符合我心目中理想的烏冬!我對烏冬的滿意程度是十分! 濃郁燒汁味道配合十分有口勁的雞肉 一口咬下去 好好味呀 無揀錯~ 十分配合清淡的烏冬而同學仔的章魚餅就是扁掉了的章魚丸 這樣大家容易理解吧! 不過外皮就是魚餅的皮 內裡是章魚魚肉~略有不足的落太多油啦 有點油膩 差點忘記了 苿香綠茶挺好飲的喲！ 

這天去了淘大，朋友建議去八福食。過往也曾經吃過數次，都覺得OK，所以就決定去光顧了。我覺得這間比旺角店更好吃，坐得也更舒服。八福的價錢向來也是十分經濟，當然對食物水平也不要要求太高。我們點了2人餐，價錢經濟，晚餐每人都不過$100。小食選了七味粉雞翼，共有4隻份量都很足。可是味道方面未見得入味，所以味道偏淡，有點可惜。另一款小食選了炸帶子，都是雪藏的東西，沒有帶子的鮮味，炸物亦很厚，應該來貨時已經沾上炸物，只要即炸便弄到出來。沙律醬我覺得頗酸，感覺是頗廉價的沙律醬。本來對於炸帶子都頗有期望的，結果大失所望。小食還有金菇肥牛，味道不錯，份量亦很足。這個真的很推薦，大家也可以一試！主食方面，朋友點了熱湯烏冬，賣相不俗！畢竟八福最有名的都是烏冬，份量足而且十分彈牙，很好吃！這是我點的冷烏冬，賣相也是不錯，烏冬同樣煙韌彈牙。只是沾的那款冷麵汁略為失色，Wasabi和平日在超市買的枝裝味道無異，蔥也偏少，也沒有脆卜卜的脆粒，紫菜也不是脆而且已經濕了。光是烏冬味道好是不夠的，希望店家能夠有多方面的配合令食物整體更好味。餐飲方面，我們點了茉香綠茶，還以為這個凍飲不會加$2，起初看餐牌知道凍飲要加$2

很久沒去九龍灣..得寶一帶好像多開了一些食店本來有點想試的秋月居,,有不少人在等位再逛一逛就發現此店..決定一試!和老公二人到此晚飯點了煎蠔﹑海鮮冷烏冬&蟹肉滑蛋烏冬煎蠔有4隻,,表面煎得金黃! 咬下去,,不會煎得太乾,,反而仍很juicy還帶點蠔鮮味!!!!很好吃!!!!海鮮冷烏冬配芝麻醬烏冬很滑~~海鮮包括飛魚子﹑鮑片﹑蝦&蟹棒~~整體不過不失!蟹肉滑蛋烏冬滿滿的蟹肉~~以這價錢來說,,已很滿意!!雖不算是特別濃郁的蟹味,,但蟹肉不會霉霉爛爛而且也有蟹肉應有的鮮味~~正!!另外,,這裡的座位算是寬敞不會密密的~~

話說德寶商場進駐了數間日式食肆，身為日式食品迷當然要試下。由於小編放學後已是晚上十一點，剛巧見到新食店八福推出宵夜套餐，當然不容錯過。走進店後發現店鋪裝修具有中日混合特色，有中式燈籠及日式櫻花掛畫等，未進餐已讓雙眼先食為敬。 宵夜套餐共有八款主食及八款小食任以配搭，小編點了一個汁煮牛肉飯及炭燒雞串，加一杯凍柑桔青檸，也只是48元，相比其他日式食肆先算比較實惠。 等了約五分鍾，汁煮牛肉飯先到飯桌，失望的是老並沒有香噴噴的煙霧，只有小許餘溫，或者是放在廚房太久了。 牛肉飯的汁是日式甜燒汁，味道不錯並很開胃，牛肉則是普通肥牛，沒有什麼特別，但整體而言汁煮牛肉飯味道還是不錯，有中上水平。  至於小食炭燒雞肉味道便利店的一樣，有日式燒汁在表面，吃下去甜甜的，並夾雜著炭燒過的香味，味道甚佳。 而飲品柑桔青檸味道也不俗，咸酸度剛好互相配襯，飯前喝幾口也甚為開胃。如果住左附近的人夜晚感肚餓，不彷試一下這間八福烏冬食肆，價錢實惠，味道也不錯。 小編下次會試一下食店的主打烏冬的。