影片
更多
2016-05-09
746 瀏覽
見到網上食評9成都話好食，今日又咁啱路過，咁啱又唔多人等位，咁啱又冇落雨... ... 咁多咁啱咪入去試下囉 入去坐低見到大部分人都係叫 All day breakfast，而我呢啲包拗頸就梗係叫其他嘢睇下係咪真係值9成人畀 啦。好! 坐低一睇佢個 menu 其實選擇唔太多，3頁紙睇晒，第一頁紙包括佢地主打嘅 All day breakfast，亦有小食同甜品, 第二頁有飯有意粉, 第三頁主要係 drink list.選擇困難症發作一輪後最終叫左個香蒜帶子蜆白酒意粉 + 檸檬蜜糖水 + 抹茶流心芝士撻.首先上枱既係檸檬蜜糖水, 原本對呢杯咁普通、周街都有得飲既嘢冇乜期望, 其實亦都好難整得難飲, 點知飲左一啖又覺得好鬼舒服! 佢落蜜糖既比例啱啱好, 飲到蜜糖甜味又唔會多到封喉, 檸檬夠新鮮, 點篤都唔會有澀味, 真係好好飲.跟往上主菜喇, 香蒜帶子蜆白酒意粉, 入面總共有4隻帶子6隻硯, 開頭見到佢隻碟咁大, 舊意粉咁細似為好少, 但一落义個感覺係 --- 好實! 所以食晒碟意粉其實都飽. 講番個味先, 其實佢落白酒落得都輕手, 平時唔飲酒既都食得, 相反飲得既就會覺得佢唔夠味.
入去坐低見到大部分人都係叫 All day breakfast，而我呢啲包拗頸就梗係叫其他嘢睇下係咪真係值9成人畀 啦。
好! 坐低一睇佢個 menu 其實選擇唔太多，3頁紙睇晒，第一頁紙包括佢地主打嘅 All day breakfast，亦有小食同甜品, 第二頁有飯有意粉, 第三頁主要係 drink list.
選擇困難症發作一輪後最終叫左個香蒜帶子蜆白酒意粉 + 檸檬蜜糖水 + 抹茶流心芝士撻.
香蒜帶子蜆白酒意粉+檸檬蜜糖水
31 瀏覽
0 讚好
0 留言
跟往上主菜喇, 香蒜帶子蜆白酒意粉, 入面總共有4隻帶子6隻硯, 開頭見到佢隻碟咁大, 舊意粉咁細似為好少, 但一落义個感覺係 --- 好實! 所以食晒碟意粉其實都飽. 講番個味先, 其實佢落白酒落得都輕手, 平時唔飲酒既都食得, 相反飲得既就會覺得佢唔夠味. 而帶子佢係做到爽口彈牙既, 不過鮮甜味就只係一般. D 硯其實算係細隻, 不過勝在我食6隻6隻都冇沙, 呢個要讚, 因為我真係好怕食硯食到有沙!
因為叫左"後上", 所以呢個抹茶流心芝士撻我食完意粉叫"起得" 都隔左10分鐘左右, 正好有時間畀我消化下碟意粉. 好! 講番呢個撻, 一上枱全場既目光會即時去晒你度, 因為佢放左一粒乾冰係個盒入面, 所以會有煙飄出黎, 感覺好夢幻, D人既眼球會跟住呢個撻, 由其係女仔! 哈哈!食之前講下有咩先, 正中間既就係主角抹茶流心芝士撻, 右上角既係抹茶雪糕, 左上角既係蛋糕, 抹茶雪糕下面有D紅豆蓉. 所有嘢其實唔會好重味, 個抺茶雪糕加埋下面D紅豆蓉一齊食其係好正, 個抹茶芝士撻我就覺得個撻底硬左D, 唔夠鬆化, 而左上角個蛋糕都係唔夠鬆軟, 總括黎講係好食既, 試一次OK既.
張貼
