榮家糕點烘培店 (已結業)

路經深水埗地鐵站，所以順便試下d新開嘅小食，今次嚟試「榮家糕點烘焙店」。叫咗2款：黃金拔絲蛋糕：抹茶、鹹蛋、原味，同埋冰鎮桂花砵仔糕黃金拔絲蛋糕（$15，3件）抹茶味、鹹蛋味、原味口感方面，每隻味嘅蛋糕都一樣口感。咬落口會有種咬緊咗一條條絲嘅感覺，咬啖再拉開係會見到有一條條絲。不過並唔係蓮藕同埋麥芽糖果種咁長嘅拉絲，呢隻拔絲蛋糕只係會見到好短、又比較粗身嘅拉絲，可能因為係用椰絲整嘅。味道方面，抹茶味比較淡味，可能因為天氣凍鼻塞塞，要食濃味小小。鹹蛋味真係幾好食，勁吸引人去咬佢，原味都好香蛋味，不過好似無咩特別。好食程度：鹹蛋>>原味>抹茶。冰鎮桂花砵仔糕因為見佢幾特別，透透明明咁，同以往食嘅乳白色砵仔糕好唔同，所以就買舊試下。口感方面，比較軟身，好似食馬蹄糕咁會碎開一舊舊。味道方面，好清香嘅桂花味，😂😂我都係覺得傳統乳白色嘅砵仔糕會好食d。