蠔點 (已結業)

哩間餐廳已經想試好耐，之前試過book幾次都full哂。今次特登早2星期book定慶祝父親節，點知都幾失望下。蠔係好好味既。但其他野真係好麻麻。crab cake冇蟹味。塊牛排好薄但好似香口膠咁。點左個黑松露意粉同pesto意粉，屋企自己整都好味過佢。最灰諧係個黑松露，一早點左，隔成個鐘先同我講冇哂。咁突然既。最扣分係個waitress，佢好唔開心，但淨係對我個台。黑口黑面，好似係要我serve佢咁。但對其他客又冇野，有講有笑。我地都唔該前唔該後，又會問佢意見，有交流。好唔明佢咩事。我覺得自己好傻，去到無雷公咁遠就係為左食蠔同黑面。