紅茶冰室 (已結業)

和朋友2人在晚上10點半去食，唔知係咪夜了雖然見話收11點，但去到已經半收工狀態😐😐但啲侍應都好熱情招待我地入去坐 點知入到去原來是伏😫我地都唔想阻人收工 雖然當時店內都坐了不少客人所以極速叫左2個餐食 心諗都好似幾多人幫襯 似乎唔錯喎 點知 等上枱時 隔離枱一對情侶食野中 佢地先岩岩開始食 食左幾啖已不停講話好難食嚇到我同朋友都心驚驚 等食時先來了飲品 我的是熱咖啡 朋友的是凍華田唔講笑 我好少飲一啖野飲就放棄唔飲！杯咖啡酸到無朋友！👎👎👎入唔到口！本來係叫奶茶架，但侍應話廚房收了檔，無奶茶飲先轉叫咖啡，點知難飲成咁！！朋友杯凍華田味道我覺得還好。但咖啡真係........然後到朋友叫既餐上枱，朋友突眼了！佢話，西冷牛排呢？做咩比'片'牛肉片佢，薄成咁都有既....而且餐湯（紅湯）既化學味好重，姐係唔係新鮮羅宋湯，而是用醬開既😟😟而我果碗豬肉腸芝士面呢就更加不敢恭維了難食 普通 （收40蚊來講，貴到離譜！）但幸好 厚多士和滑蛋係ok既！食得落口既其他就...........可一不可再！！以後唔會再光顧了...不值得食。