倫哥火鍋私房菜 (已結業)

最近去試試一間位於深水埗的火鍋私房菜餐廳，質素唔錯，想推介一下。餐廳採用半任食形式，部份高質素貴價食材只有一次性，另外火鍋配料及基本汽水任飲任食。仲有一碟刺身沙律及每人半隻龍蝦，都幾揼本！有款花膠扣鮑魚熟食，食落去個調味適中，每位都有一隻鮑魚，都幾彈牙。牛頸脊就咁睇已經見到啲花紋分布夠靚，顏色都好新鮮，食落去有好香嘅牛味。雞煲選小辣，啲好香嘅辣味同埋芫荽以及香滑嘅雞肉飽肚又醒胃。之後就揀咗芫荽皮蛋湯，都幾清新可以令到啲海鮮更加鮮味粉絲蒸蟶子蒸蚌仔象拔蚌BB海蝦鑽石蜆刀貝蜆白鱔龍躉魷魚 鯇魚有部份係一次性，有部份就可以任點任食，見到啲色澤都好新鮮，食落冇沙好乾淨，真係好吸引！另外同時佢會上俾你嘅蝦滑 墨魚滑 雲吞水餃響鈴 蔬菜滑類質素都幾吸引架，好爽口彈牙，水餃雲吞個皮都好薄，其實食完都已經好飽！最後仲有甜品，食到捧腹而歸。