PAN de PAIN Pancake & Sweets (K11購物藝術館)

營業中

休息中

假日呢間餐廳係一定排隊，長期有個area係門口俾人排，真誇張。所以我就選擇平日lunch time早少少黎就唔使排隊直入。呢度主打pancake，基本上冇乜其他野食，但都有咸點既。叫左個三文魚牛油果pancake，個pancake非常普通，自己係屋企買包粉都會煮到的pancake，三文魚偏咸，沙律唔錯。整體冇特別。由於真係冇乜咸點可以叫，已經直入甜品，除左pancake都叫左個french toast試下。佢的french toast有層焦糖係面外脆內軟，食過french toast都會知裡面會沾左蛋漿，好似食緊焦糖布丁咁的味道。呢度的french toast好重焦糖，所以都比較甜，但口感係幾正。主角出場啦！1點後先開始供應所以最早1:30pm先有得食，早lunch的朋友要注意啦！兩大塊厚厚的souffle pancake好香蛋味，切落去好軟好似mousse咁，食落入口即溶，自己加糖漿，鐘意加幾多都得。食落的蛋味又唔算好濃，但質感就肯定係成功的souffle pancake。你問我係唔係最正的pancake，一定唔係，但值唔值得試，都okay既。地點方便，但要排隊就唔好搞我啦。