米炊 (K11購物藝術館) (已搬遷) 新店位置

米炊( K11 Art Mall )低溫烤法式鴨腿咖喱旋風蛋飯&熟成牛扒咖喱旋風蛋飯。牛扒熟成過之黎更有牛味，與咖喱非常搭，而鴨腿肉質亦都好嫩。米飯餐廳會用七星米，而雞蛋會用蘭王，所以無論係白飯、炒蛋、配菜、咖喱汁同主菜都感覺到餐廳嘅認真選材同用心製作，係好完整嘅體驗。意想不到嘅係，佢嘅咖喱飯可以有清酒或者梅酒配，實在係中曬我想要嘅野，杯清酒令到成件事係食咖喱飯都變左一種享受。環境簡約舒適，職員亦都好有禮貌，係值得推薦嘅餐廳。