漁獲浜燒 (已結業)

之前一直都想再食漁獲浜燒，無奈一直未得閒，趁佢近排係尖沙嘴開分店，今日終於可以偷閒去試下。.入到去餐廳環境好日式，服務員亦招呼得幾熱情，一坐低就有前菜擺上來。.黑松露炙燒平目魚邊沙律好推薦呢個沙律，黑松露無論聞落定味道都非常之濃郁；義大利香草同檸檬汁做sauce十分之開胃；魚肉食到油份分佈平均，鮮味突出；牛油果令到成個沙律更加順滑同豐富，就算2 個人share 一碟都唔會覺得膩。味增蟹甲羅燒對於鍾意食蟹嘅我來講，呢個燒蟹蓋完全直中目標。蟹蓋入面係蟹膏蟹肉同味增醬撈埋一齊之後加鵪鶉蛋同蔥花再燒。食落去蟹味幾濃郁，仲有一塊多士配來食，用蟹膏左麵包醬真係好正北寄貝侍應係燒嘅時候加海草、清酒、高湯。燒出來肉質彈牙，入口充滿酒味。清酒帆立貝 味道鮮甜，酒味好出，鍾意飲酒嘅朋友一定要試牛油帆立貝比起清酒飯立貝，佢嘅口味偏向大眾啲。香草味濃加埋牛油，又係另一番味道。活龍蝦浜燒龍蝦新鮮，大過手掌，店員會係佢未燒之前上檯比我地睇下，真係好生猛！跟著佢地就會拎入廚房處理同燒熟。龍蝦上面嘅醬係味增蟹膏，仲有龍蝦肉係入面增加口感，值得一讚栗蟹釜飯釜飯即係日式煲仔飯，同樣焗得耐會有飯焦。呢個釜飯用嘅蟹會因應季節