星宇麵館 (已結業)

今日一家4口去左天一2樓星宇麵館試食，環境不錯，係座位有點逼，叫咗煎餃，醉雞麵，豬扒麵，上海粗炒同紅燒肉麵，原來紅燒肉即是五花腩，煎餃非常香口Juicy，粗炒熱辣辣都唔錯，醉雞同麵分開上，醉雞非常有酒味，個汁直頭可以拿來拌麵，好食，最驚喜係紅燒肉，非常軟嫩，D肥豬肉入口即融，無得頂，麵質都非常好，爽滑唔會漿口，最怕食無質感ge上海麵，終於係天水圍搵到一間唔錯ge上海小店，一家人非常滿足，下次一定會再來。