餃掂手工餃子雲吞專門店

今日好開心有機會同老公tweet一齊去食水餃！食水餃呢最緊要就係個湯底！所以一見到餐牌有個好巴閉嘅湯俾名叫狀元九鼎湯～忍唔住即時就叫來試一時。桌子上會配上一碟好好味嘅酸蘿蔔～甜酸適中咬落去白蘿蔔爽脆鮮甜。十分開胃。龍鳳松茸餃：松茸味十分香濃，餃皮彈牙，而且厚薄適中。配上傳說之中的狀元九鼎湯。粉葛、紅蘿蔔和鯪魚的味道融入其中。實在絕配。韭菜鮮肉餃：粒粒大大粒，咬落去的時候滿滿的韭菜香味在口腔中爆發。豬肉和菜的比例啱啱好～而且脹卜卜。實在大件夾抵食，仲要好好味。100分～蜜餞雞翼：呢個絕對係驚喜之作，估唔到一間餃子店雞翼可以做得如此出色。雞翼每一隻表面多個包裹住甜鹹適中的蜜餞～不會過甜之餘～又帶少少鹹香。最緊要醃得啱啱好～真係連骨都有味。