榕基滷水專門店 1992

營業中

休息中

平時啲滷味鋪都係啲舊式鋪，但係呢間鋪行文青木系裝修風格，連擺盤嘅方式都好精緻。當日專登簡咗六點幾去餐廳排隊，點知好好彩唔洗排隊就入到去堂食。今次叫咗三個套餐，強烈推薦大家一定要叫鵝油撈麵，雖然好heavy，但係佢嘅辣油同鵝油好夾，亦都唔會好油，幾鐘意佢啲麵可以keep到硬度，之前睇過mm介紹，佢嘅麵係日本手工麵。1.招牌滷水獅頭鵝套餐獅頭鵝好入味，都幾有鵝味，但肉質有少少韌，如果啲鵝可以肥啲就會更加好味。2.綜合牛肉套餐(牛展+牛筋+牛肚）呢個套餐包咗三款唔同牛嘅部位，三個部位都炆得好入味，最鐘意嘅排名係牛筋>牛肚>牛展。3. 香烤焦糖油豬頸肉套餐 配秘製酸辣汁 呢個菜式幾特別，都係第一次食滷水豬頸肉，豬頸肉嘅表面仲要係幾香脆，肉質都幾爽口，同個酸辣汁都幾夾。4. 榕基滷物 （鮮墨魚、爽脆滷鵝腸、滷鵝腎、滷香大腸）佢嘅滷物真係幾出色，同埋啲內臟都清潔得好乾淨；厚切嘅鮮墨魚夠彈牙，鵝腸夠爽口又唔怕肥膩，鵝腎炆得好入味，大腸都炆到好淋。