一碗入魂 (已結業)

襯住Weekend去荃灣探朋友, 特登嚟到海濱花園揾食。通常屋苑啲餐廳只係一般般, 只係近近地醫下肚, 但呢間拉麵小店喺屋苑餐廳嚟講都算出色。聽講拉麵店每日售完即止, 所以同朋友早啲嚟午餐, 分別叫咗兩碗拉麵同餃子。味噌豚骨拉麵($68): 同其他拉麵店嘅豚骨湯底唔同, 湯底較濃味但唔油膩濃蝦豚骨拉麵(走葱走荀; $88): 拉麵頂放咗好多櫻花蝦, 但反而唔太食得出蝦同豚骨味兩碗拉麵嘅豚肉片都燒得好香, 原隻流心蛋時間控制得好, 而且食完整碗拉麵都唔口渴, 相信湯底絕無添加味精餃子可以選配唔同醬汁, 我哋選擇咗青葱沙律醬(走葱)。皮簿足餡料, 外皮煎得香脆, 有質素!