牛八両 (已結業)

我哋一行三人午膳，order 咗一個二人火鍋套餐及一些日式串燒！套餐有牛肉四兩共三款，四両豬肉，蔬菜及肉丸，仲有稻庭烏冬，玫瑰花茶隨餐奉送！蕃茄湯底超好味，新鮮蕃茄味道清新又濃郁，真材實料值得推介，牛肉超有牛味，亦有口感，豬肉品質也非常之好！燒牛舌心，五花腩同雞軟骨，味道啱啱好亦10分Juicy,28 蚊串，物超所值！服務員態度和藹有禮貌！餐廳裝修清雅，環境乾淨整潔，見到佢哋有不同嘅清酒供應，絕對係三五知己坐埋傾偈暢飲嘅好地方!新張期間全單八折，三個人食，都係五百零蚊！一定會再幫襯！