飯丸屋 (灣仔道) (已結業)

行開灣仔，諗起有間台灣過江龍，於是去試下。我仲以為係餐廳有座位，原來係Takeaway🤪佢哋主打沖繩風味飯糰。個餐牌好多選擇，我都諗咗好耐食咩好，樣樣都好吸引🤤最後選擇困難症嘅我揀咗日式炸雞同炙燒明太子飯糰，一場嚟到加$20配餐，即刻有埋飲品同小食。小食選擇都好多，今次就試麻薯波波🤩日式炸雞🐔飯糰炸雞個調味做得啱啱好，件件雞都又脆又嫩又juicy，配埋特製嘅蜂蜜芥末醬，好食。下次再食我會加芝士🧀炙燒明太子飯糰個明太子醬超級好食😋同個飯團好夾，仲突出到嗰個米香，加埋熱辣辣嘅午餐肉同厚燒玉子，食到停唔到口，如果多啲醬仲正麻薯🍠波波新鮮熱辣，酥香鬆脆，有地瓜同紫薯兩種口味，食到唔夠喉，要再encore😍黑芝麻豆漿好飲喎，黑芝麻味濃，仲有大量一粒粒嘅黑芝麻，好有口感🥛值得一提，佢哋每個飯糰🍙都有來自丹麥第一品牌即叫即炸嘅減鹽版午餐肉🐷同新鮮製造兼殺過菌嘅玉子燒🥚 無論你揀咩口味嘅飯糰，都有沖繩飯糰嘅靈魂午餐肉同玉子燒呢個無敵組合，點都唔會寡大家都知我好少寫食評，但我覺得既然有心人將呢個食物帶左黎香港，有試過嘅好值得將佢介紹俾其他人，等多啲人可以試下呢份誠意。我仲有其他味嘅🍙都想試，所以一定會再