影片
更多
2019-05-02
2558 瀏覽
係另一個app book咗呢間餐廳試吓，因為6點食嘅話會有50% off，非常抵，可以叫多幾樣嘢食試吓！6點準時去到，陸陸續續都有唔少客人來到，見到好似比較多人都係用app book。👍🏻急不及待叫咗兩個appetizer食，一個係蝦🦐(gambas)，好香garlic味，而且仲有阿根廷青醬(chimichurri)，個味超正好惹味，蝦有成十幾隻，都幾大，但可惜嘅係唔係隻隻都咁鮮咁香蝦味，扣咗小小分。佢哋上第一樣前菜嘅時候仲比埋一桶餐包🥖我哋，有成5,6片，一啲都唔乾，仲幾淋，而且配埋特製嘅醬食，真係食唔停，佢哋話個醬係用olive oil同唔同菜整成的👍🏻。見我哋咁鐘意食，仲係咁問使唔使添加。😛我哋另一款叫嘅appetizer係provoleta cheese🧀，熱辣辣係個鍋上，有拉絲嘅效果🙈最重要係佢嘅芝士係好香奶酪味，仲有少少酥，正到不得了，而且仲有啲洋蔥同火箭菜夾埋更加昇華！配埋啲包食一流，所以仲叫佢哋refill咗啲包比我哋。但啲芝士凍得比較快，所以要快啲食！之後就上主菜🥩，餐廳主要offer幾種牛扒，striploin/ribeye/tenderloin同short rib
Gambas
84 瀏覽
0 讚好
0 留言
急不及待叫咗兩個appetizer食，一個係蝦🦐(gambas)，好香garlic味，而且仲有阿根廷青醬(chimichurri)，個味超正好惹味，蝦有成十幾隻，都幾大，但可惜嘅係唔係隻隻都咁鮮咁香蝦味，扣咗小小分。
89 瀏覽
1 讚好
0 留言
佢哋上第一樣前菜嘅時候仲比埋一桶餐包🥖我哋，有成5,6片，一啲都唔乾，仲幾淋，而且配埋特製嘅醬食，真係食唔停，佢哋話個醬係用olive oil同唔同菜整成的👍🏻。見我哋咁鐘意食，仲係咁問使唔使添加。😛
Provoleta
105 瀏覽
1 讚好
0 留言
Provoleta
140 瀏覽
1 讚好
0 留言
我哋另一款叫嘅appetizer係provoleta cheese🧀，熱辣辣係個鍋上，有拉絲嘅效果🙈最重要係佢嘅芝士係好香奶酪味，仲有少少酥，正到不得了，而且仲有啲洋蔥同火箭菜夾埋更加昇華！配埋啲包食一流，所以仲叫佢哋refill咗啲包比我哋。但啲芝士凍得比較快，所以要快啲食！
Short Ribs
245 瀏覽
0 讚好
0 留言
之後就上主菜🥩，餐廳主要offer幾種牛扒，striploin/ribeye/tenderloin同short ribs，order時有解釋我哋聽幾樣扒有乜分別，例如啲fats嘅分佈係點。見short ribs比較少地方食到，所以叫咗呢樣，我有問到佢呢樣夠唔夠2個人食，佢話都ok，好彩問一問，因為真係好大份同埋好飽，如果叫多個main一定食唔哂。但個short ribs同想像中有啲唔同，肉質比較韌，而且比較熟，不過佢有同我哋講會咁煮。佢幫我哋切開咗，易食啲，好香動物脂肪味，唔使再點其他醬本身已經咸咸哋幾好味。不過可能有期望，所以對於個牛有丁點失望。另外仲搭配咗2個side dishes，baby asparagus同truffled mushroom，2樣都好食，磨菇真係好香，但上碟嘅時候已經唔係好熱。
Creme Brûlée
89 瀏覽
0 讚好
0 留言
食哂已經好飽，但好彩食甜品係另一個胃，叫咗serradura同creme brûlée， 前者其實唔係好知乜嚟，但見到menu應該係signature dessert，嚟到見到好大杯，而且係好凍嘅，佢話其實係雪糕，配埋啲曲奇碎餅碎，叫我哋要直插落去食，食哂幾層layer。我覺得幾似木糠布甸😛(search完原來係)，除咗上面啲榛子醬整體唔太甜幾得意。但可能雪得比較硬，所以我哋搵個蠟燭🕯️熔熔佢🤣，易入口啲。另外creme brulee都好食，份量唔大唔細，蛋好厚好濃郁，而且蛋嘅顏色啡啡地，偏重焦糖味😋。
Serradura
86 瀏覽
0 讚好
0 留言
82 瀏覽
0 讚好
0 留言
成餐都好滿足😊，大部份嘢食都好好味，唯一係個牛爭少少，但有機會一定會order其他食物試吓，而且侍應好有禮貌，全程令你覺得好舒服，用餐後仲請我哋試阿根廷嘅酒，甜甜哋唔重酒味。環境都算唔錯，細細間但好企理，我仲被安排咗坐corner位，喺阿根廷🇦🇷嘅國旗隔離哈哈，可以影相打張卡。🤣折後嘅價錢來講都算抵食，因為食咗好多嘢，但如果正價嚟講可能都係有啲貴。(價錢嘅評分我係折後計算。)
張貼
