東歐餐廳 (已搬遷) 新店位置

男友因為要即極KEEP FIT, 今晚又得返我同媽媽橕枱腳啦. 咁不如試下新野, 就東歐菜啦~ 呢間餐廳位於SOHO區, 係一間BAR既地庫, 所以入口唔係太起眼.入到黎先發現原來別有洞天, 睇得出店主花左好多心思去裝飾呢度, 一枱一凳都一絲不苟, 入到黎真係以為自己去左東歐.牆上的璧畫顏色鮮麗奪目, 未開始食相機已經食飽連個MENU都係用皮做的都幾有FEEL...頭盤叫左招牌芝士焗牛脷盅, 個麵包蓋有別於一般的牛油酥皮, 質地比較硬, 不太香麵包味, 勝在溫度夠, 內裡的牛脷好腍...但芝士味不太出烏克蘭炆豬肋骨, 豬肋骨炆得好腍, 好入味, 肉質鮮嫩, 加上特別的香料, 好味! 不過食到最後好燶, 因為個鐡碗超熱, 仲一路係度煮緊, 所以食到底時D豬肋骨黑哂同埋好老..香燒白雪魚，賣相得，魚肉size比較大件，本身雪魚又比較多油份，所以食落有點膩⋯不過好在有旁邊青色的酸奶醬中和一下油膩的味道Strawberry cider, 入口甜，味道唔太藥水，雖然得4.5%酒精，不過都好易醉臨走入去冰窖度參觀，好多vodka 任君選擇窖外仲有男女裝毛衣供客人穿著呢度價錢唔算貴, 值得一試. 另