夢屋 (已結業)

早排經朋友推介，知道有間cafe有棉花糖多士食，於是即管約朋友去試下。因為唔熟銅鑼灣所以揾左一陣先揾到呢間cafe。店鋪唔算好大，但比人個感覺就好舒服。嗌左一個蕃茄雞肉包同棉花糖多士，個多士就等左一陣就有。切嘅時候有d困難因為啲棉花糖好痴同埋多士與多士之間嘅榛子醬都會痴住把刀。但個口感就好豐富，棉花糖、多士(夾餅)、榛子醬、花生、朱古力醬！但自己一個食就一定食唔晒，因為食得多有啲滯，我同朋友都差啲食唔晒。另外個蕃茄雞肉包都唔錯，個包好脆，蕃茄味好濃郁，仲有粟米做伴碟，唔錯！