粵式生香蒸氣海鮮火鍋 (已結業)

一直都好想試呢間餐廳。終於約齊班姐妹開餐了。一上到去發現店舖細細，但都有好多張枱，雖然枱同枱之間好貼，但坐落都唔迫。因為我地4個大人1個Bb.所以等長凳枱比較久，服務員不時叫我地等下，唔好意思前唔好意思後。覺得佢地態度好好！👍🏻到坐落枱，主動介紹有咩好食。order 左粥底。咁我地就叫左啲前菜:鳳瓜.雞翼.拍青瓜。雞翼好好味，值得再叫😂。但拍青瓜拍得唔夠扁。所以唔入味。之後叫左個2人海鮮併盤，什菌併盤，安格斯肥牛，雞肉，津白菜同小籠包。成個晚餐過程都有服務員幫手夾幫手分食物。好似去左高級餐廳咁👍🏻服務一流。當食曬蒸曬所有食物。就到重點。粥底！個粥吸引曬之前蒸嘅食物精華。好味到不得了！真係值得一試！服務員對bb 態度又好。之前仲擔心會嘈到佢地，不受歡迎😂我想多了。